Hal Animal

2008-10-15T19:32:00.003Z

Ef ske kynni að einhver væri ennþá að lesa bloggið mitt haha vá þá hlýtur sá hinn sami að vera rosa góður vinur eða hrikalega þrjóskur:) Er að spá í að fara að blogga einhvers staðar annars staðar þar sem textinn kemur í fyrstu línu ekki fyrir neðan allan hliðartextann þar sem ég fæ þetta ekki til að færast á réttan stað. Any suggestions?

2008-04-22T09:10:00.002Z

Það er ýmislegt annað búið að gerast síðan reiðbuxnarassakeppnin var :o) Það er von á bloggi von bráðar... Þangað til er hægt að getta hvað er búið að gerast ef einhverjum leiðist :o)

2008-03-12T09:56:00.002Z

Brjálað partý...

...verður á Hvanneyri næsta fimmtudag því það verður Hestamót hjá Grana og svo verður ball á pöbbnum á Hvanneyri með Vönum mönnum. Þess má einnig geta að keppni verður í hvaða strákur er með flottasta rassinn í reiðbuxum hihi... Be there or be square!
Ono,
Hal

2008-03-11T11:48:00.003Z

Áríðandi tilkynning...

...síminn minn er sem sagt fundinn, hann varð úti í innkeyrslunni hjá mömmu en hann lifði af við vegna góðrar hjúkrunar fjölskyldunnar Rauðholt og það er farið að heyrast í honum eftir að hringing var sett á aftur. Endalaus gleði og hamingja:o)

Síðastliðinn fimmtudag kom menntamálaráðherra í heimsókn til LBHÍ eftir að hafa frestað heimsókn sinni alveg nokkrum sinnum sem tók út fullt af aukaæfingum og veseni. Kvöldinu áður eyddum við Heiða rúmum 2 klst í að þvo hestana fyrir ca. 10 mínútna sjóv í reiðhöllinni á Mið-Fossum fyrir fólkið. Sjóvið okkar sem erum í tilraunanáminu gekk bara þokkalega vel. Svo í lokin voru 3 hestar sem skeiðuðu út og ég vissi að ég væri á rosaskeiðhesti en kann ekkert að skeiðleggja og ákvað að láta á það reyna. Hesturinn Viðar sem er frá Reyni Aðalsteins. steinlá skeiðið út en svo var ég sennilega eitthvað sein að hægja á honum því hann alveg STEINlá, sem sagt datt í drullunni fyrir utan og ég flaug af í "fallegum boga" hehe og lenti nottlega með júdólendingu... Var sko bara að æfa fyrir námsskeiðið um helgina tíhí. Við Viðar allavegana slösuðumst ekki:o) Vonandi var bara menntamálaráðherra farin þegar þetta gerðist:) Frekar spaugilegt:)

Svo var Öryggisnámsskeið haldið við Landbúnaðarháskóla Íslands á laugardeginum. Þar áttum við þrjú að sýna hvernig ætti ekki að detta af baki og svo var Bjarni Friðriksson og félagi hans að sýna okkur hvernig við ættum að detta eins og gert er í júdói. Þetta var allt soldið fyndið og Gísli Einarsson skellti sér líka í júdóæfingarnar og lét sig svo sjálfur detta eftir á á dýnuna. Þetta námsskeið var mjög sniðugt, reyndar veit ég ekki hvað var gert fyrir hádegi en eftir hádegi var líka Reynir Aðalsteins með fyrirlestur og sýnikennslu, Bebba og Sigtryggur voru með fyrirlestur um skyndihjálp, Elsa ein kom með meri sem þarf sérstaka aðgætni og svo sýndum við prógrammið okkar. Frá námsskeiðinu má sjá í íþróttafréttum Sjónvarpsins.

Eftir námsskeiðið var Gerður krúttulína Selfyssingur komin með rútu og með aðstoð ofursæta einkabílstjóranum og "barnapíunni" henni Siggu systir og við brunuðum norður í Eyjafjörð til hennar Svönu og frábæru fjölskyldunni hennar á Finnastöðum. Með henni fórum við á djammið á Vélsmiðjunni þar sem við hittum fyrir fólkið sem hafði verið á Telemarkfestivalinu. Þarna var tjúttað frá sér allt vit alveg til 3 og þá fórum við heim í sæluna á Finnastöðum. Daginn eftir fórum við í Skíðaþjónustuna þar sem við ílengdumst. Mæli sko með búllunni! Líka frábær kall sem var að afgreiða okkur:) Við Gerður fengum okkur notuð gönguskíði sem voru hræódýr. Svo fórum við í fjallið sem var baaaaara gaman og gott færi.

Gerður fór svo með Elsu og Tomma heim en ég fór í Skagafjörðinn til að kíkja á hross og fékk að gista í sveitasælunni hjá dásamlegu fjölskyldunni í Enni. Hm já tja sko það er þokkalega verið að fara að bæta í stóðið:) Þýðir ekkert að hafa allt saman brúnt tíhí. Er búin að festa eina yndislega ótamda meri sem heitir Milla og er ljósmóálótt og einn lítinn folaldsstubb sem er bara sætur og skrautlegur á litinn. Þegar ég vaknaði um morguninn í Enni og leit út um gluggann þá varð ég eiginlega bara hrærð yfir þessu hrikalega fallega útsýni. Þetta var alveg eins og málverk:)

Æðisleg helgi en nú þarf maður víst að fara að setja í fimmta gír í lokaverkefninu... Úff púff:) En það er líka skemmtilegt reyndar:)

Svona er líf mitt í grunnatriðum í dag:
Hestar fiskar björgunarsveit fólk prjónar hestar fiskar björgunarsveit fólk prjónar hestar fiskar björgunarsveit fólk prjónar hestar fiskar björgunarsveit fólk prjónar hestar fiskar björgunarsveit fólk

Já og það eru komnar nýjar myndir inná myndasíðuna mína:o)

Kisskiss
Hal

2008-03-05T18:42:00.004Z

Nýtt met slegið...

...á blogginu. Það eru komin 3 blogg á innan við mánuði. Kannski að þetta muni virka í þetta skiptið þ.e.a.s. að blogga sko;) Síðasta helgi var alveg frábær. Á föstudeginum fékk ég prjónakennslu hjá Ástu prjónakonu á Hvanneyri sem er algjör listakona. Um kvöldið eldaði ég lax frá því í sumar og voru tilraunadýrin Heiða úr Eilífsdal, Eyrún frá Tannstaðabakka og Erla frá Breiðholti. Mér finnst nöfnin á bæjunum þeirra algjör snilld. Svo kom mamma Heiðu til að gista og við fórum ásamt Einari Reynis og Símoni uppá Mið-Fossa að skoða hest sem er að verða grár (hvítur) en er með alveg rauða blesu. Mjög sérstakur litur. Reyni að setja myndir af honum inn seinna. Allavega rosasætur hestur. Svo skruppum við aðeins á pöbbinn þar sem var bara eiginlega enginn nema tveir sem komu ríðandi á bullsveittum hestum þangað. Ekki til fyrirmyndar en soldið skondið. Síðar var örpartý hjá Eyrúnu fram eftir nóttu þar sem mín var að klára að prjóna gjöfina fyrir afmælið daginn eftir. Já nú sleppur enginn undan heimatilbúnum gjöfum.

Daginn eftir fórum við Heiða, Snædís og Bjarni bróðir Snædísar á skíði/bretti í Bláfjöll. Í þetta skiptið tók ég sénsinn og fór beint í stólalyftuna sem ég hef aldrei farið í áður og verið soldið smeyk við það. En þetta var alltí lagi, ég settist bara á rassinn á skíðunum, lokaði augunum og brunaði af stað og meira að segja með flest bein heil þegar ég kom niður. Fékk reyndar einhver leiðinda augntillit þegar hinir sem voru bara alltof mikið að svinga fyrir mig komu niður. Einn hrækti meira að segja á mig, ég nottlega bara gaf honum góða slummu tilbaka.

DJJJJÓK, auðvitað gekk þetta allt eins og í lygasögu eins og málsgreinin hér að ofan sýnir greinilega. Ég klessti ekki nema á tvo sem reyndar klesstu á mig held ég og datt bara 1-2svar sem mér finnst nú bara ágætisárangur hjá Telemarkaula:o) Hraðinn hefði nú kannski ekki alveg komist í heimsmetabókina en who cares. Þetta var mjög gaman og svo fékk ég að rifja aðeins upp skyndihjálp þar sem ég aðstoðaði við aðhlynningu á ungum dreng sem hafði lent í samstuði við annan.

Um kvöldið var svo geeeeeeeeeeggjað þrjátíuáraammlispartý hjá henni Gyðu í Þorlákshöfn sem var alveg hrikalega skemmtilegt enda þekkir hún bara mikið af skemmtilegu og partýhressu fólki;) Takk fyrir mig!:) Svo skutlaði ég Erlu Dan á Hvítahúsið þegar ég fór heim og svo hvarf síminn minn á dularfullan hátt. Eftir að hafa kallað út lögreglu, slökkvilið og auðvitað björgunarsveitir á svæðum 1,2,3,4,5,6 til leitar þar sem þetta var nú ekkert eðlilegt með hann að skila sér ekki heim, þá fann Jónína systir hann í dag á mölinni fyrir utan hjá mömmu. Óvíst er með heilsu hans en kortið er þó allavegana fundið. En ef ég hringi ekki í ykkur þá getur verið að einhver símanúmer hafi dottið út sko...hmm.. já sko það getur víst stundum gerst sko ... held ég;o)

Þessa dagana er ég annars á fullu í hestamennskunni með Þokka og Ósk inni á Hvanneyri og á tilraunanámsskeiði hjá LBHÍ, á fullu í BS verkefninu með aðstöðu hjá Veiðimálastofnun sem er alveg dásamlegt og allt hitt auðvitað líka:) eða næstum allt...

Um næstu helgi er svo námsskeið í því hvernig á að detta af baki og um fleiri öryggisatriði í hestamennsku og svo ætla ég að skella mér norður á Telemarkfestival já og skoða smá pínu hross sko. Það eru laus pláss í bílnum ef einhvern vantar far:)
Over and out
Hal

2008-02-27T20:00:00.004Z

Ripley´s belive it or not kynnir...

...annað blogg Hal Animal með örskömmu millibili. Hvers eiga dyggir og þrjóskir lesendur eiginlega að gjalda, þetta hlýtur að leiða til augnskaða á einn eða annan hátt. Allavegana þá eru að byrja próf eða öllu heldur ER að byrja próf því ég er bara að fara í eitt núna á þessarri vertíð. Þá er nú alveg tilvalið að taka íbúðina í gegn og þvo og skeina allt sem hægt er að þvo og skeina já og auðvitað gera allt annað sem telst til lífsnauðsynlegra hluta eins og að fylla frystinn af grænmetisbuffum og öðru ljúffengu. Já, kæru vinir nú er kominn tími tilraunadýranna svo þið sem hafið skráð ykkur sem tilraunadýr (reyndar bara einn enn sem komið er...takk Jolli:)) getið farið að búast við matarboðskorti.
Síðasta helgi var alveg dásamleg og vel þess virði að skrifa um hér. Hún gekk einhvern veginn upp í alla staði, ég náði að klára allt sem ég ætlaði að klára, hitti fullt af dásamlegu fólki, ég gleymdi heldur ekki að taka með tannbursta, nærbuxur, sokka og hárbursta sem yfirleitt gerist þegar ég skrepp milli landshluta only in Ripley's belive it or not.
Helgin byrjaði á allskyns stússi á föstudeginum og laugardeginum m.a. kíkja á Veiðimálastofnun í Rvk vegna BS verkefnisins og prjóna já prjóna takk fyrir gjöf handa Völu krútt vinkonu minni. Laugardagseftirmiðdaginn fórum við Gerður í útskriftarveislu til Völu því hún var að útskrifast sem master í lögfræði, vá hún er algjör hetja stelpan. Veislan var auðvitað rosaflott og skemmtileg enda ekki við öðru að búast. Svo brunaði ég aftur á Selfoss (þar sem ég hafði bækistöð um helgina) þar sem Inga, David, Kata, Halli og Breki vinir mínir úr Bjsv. Ársæli biðu eftir að komast í Brugghúsið í Ölvisholti. Þau voru ægilega hrifin af Skjálfta bjórnum hans Nonna bró enda er hann rosagóður og ég segi þetta ekki bara af því að hann er bróðir minn sko...:) Káti og Breka þótti ekki leiðinlegt að fá að leika heldur.
Þau fengu svo að gista heima hjá mömmu enda konan á Kanarí og "ég mátti bjóða öllum skólanum að gista", mamma er best í heimi!:) Svo komu Ruth, Auðunn og Týra í heimsókn í morgunverðarhlaðborð. Breka fannst Týra voða spennandi en full stór og þung enda hrinti hún honum bara í leikjum. Pínu skondið. Eftir hádegið fórum við á rúntinn uppí Oddgeirshóla þar sem tilgangurinn var að kynna Breka tilvonandi björgunarhund fyrir furðuskepnum eins og kindum, kúm og hestum. Honum leist nú ekkert á þessi kvikindi og ekki bætti úr skák að ein kindin stangaði hann. En hundarnir voru mjög skemmtilegir fannst honum. Svo var okkur mannfólkinu boðið í rosalegt kaffihlaðborð með vöfflum með rjóma og allskyns fíneríi, ohhh það er svo gott að koma svona á alvöru sveitaheimili. Borgarbörnin voru alveg gáttuð á þessu. Svona er þetta bara í sveitinni, totally lovely! Frá Oddgeirshólum var haldið aftur í Ölvisholt, og Flóaáveitan merkilega skoðuð og þar sáum við risatorfu af löxum sem var bara gaman, skoðuðum jarðskjálftasprungu frá 2000, Urriðafoss í klakaböndum og að lokum heimsóttum við Bobby Fisher. David kærastinn hennar Ingu er frá Slóvakíu og fékk að velja aðeins hvað við gerðum en aðalatriðin voru að sjá hesta og hitta Bobby Fisher. Bobby kallinn sagði nú ekki margt en hann liggur á voða fínum stað í Laugardælakirkjugarði. Um kvöldið komu svo Jónína, Steinn, Kristrún, Gulli og Palli í mat og drógu mig að landi með afgangana af morgunverðarhlaðborðinu og þau auðvitað urðu að horfa á næstsíðasta þátt Forbrydelsen sem eru algjörir snilldarþættir. Þeim fannst það meira að segja spennandi líka þó að þau hefðu ekki séð neinn áður hehehe. Þetta var alveg frábær helgi og er hér með þeim sem tóku þátt í að gera hana svona frábæra færðar bestu þakkir fyrir (ohh væmið:)).

Annars er búið að gerast soldið nýtt í vikunni. Mín járnaði heilan hest í gær og er pínu ánægð með árangurinn, fékk reyndar smá faglega aðstoð hjá honum Magnúsi Ásgeiri krúttpjakki. Skrítið hvernig maður getur bara ákveðið að maður geti ekki gert eitthvað og svo bara alltí einu getur maður það:) Endlaus gleði og hamingja:) Í dag fékk ég svo að prófa að fara á bak ungum graðhesti (á fjórða vetri). Það var líka mjög gaman og var lagt beint inní reynslubankann.

Díses hvað ég blaðra mikið en allavegana þá held ég að það sé Ristilorkunni að kenna. Það er ótrúlega margt að komast í verk þessa dagana og ég mæli með Ristiltvennu og breyttu matarræði (með smá sukki inná milli:)). Allavegana þá líður mér mjög vel og er búin að missa 2 kíló á tveimur vikum þrátt fyrir að vera að éta eins og belja í fóðurkáli fyrir þá sem skilja svoleiðis myndmál...
Jæja nú er ég hætt og farin að læra. Megi allar góðar vættir fylgja ykkur!

2008-02-13T09:52:00.003Z

Ótrúlegt en satt...

...þá fann ég hérna gamla bloggsíðu sem mér skylst að sé frá mér sjálfri? Kannast einhver við að hafa lent í þessu? Þetta er svona einsog eitthvað dessjavúú sko... alveg hreint magnað.

Í dag er stór dagur því að í dag byrjaði ég á ristilkúr já elskurnar svona einskonar afturendapípuhreinsun. Á morgun er ég að fara til Póllands með Jónínu Ben. sem ætlar að halda í hendina á mér meðan við prófum stólpípuna saman og svo verða bara allar pípur skolaðar með brennisteini svona eins og aðrar heitavatnspípur (hotpipes) bwahahaha okey kannski smá ýkjur með að blanda Jón.Ben. inní þetta. Allavegana er ég mjög spennt fyrir þessu öllu saman. Sko ég nebbilega fór til hómópata í Borgarnesi sem taldi að ég væri uppfull af sveppagróðri sem útskýrði ýmsa líðan og einkenni hjá mér og nú ætla ég að hreinsa út ógeðið og er byrjuð á litlum hvítum pillum frá hómópatanum, ristiltvennu, oregano olíu, grapeseed oil, gingko biloba og allskyns skemmtilegum jurtum. Einhvern tímann þá fór ég til kínversks læknis í London sem var sko alvöru alvöru og ég fékk næstum því fullan ruslapoka af allskyns pínulitlum jurtapillum og átti að taka að mig minnir um 70 slíkar á dag. Þá fékk ég hausverk, magaverk og allskyns önnur einkenni og hætti að taka þetta. Samkvæmt hómópatanum þá er þetta víst það sem gerist þegar líkaminn er að virka og hreinsa sig að maður getur orðið hálfveikur og verkjaður í einhverja daga. Þannig að nú er tilraun númer tvö. Reyndar þýðir lítið að bjóða mér í mat og þannig næsta mánuðinn því ég má ekki alveg borða hvað sem er... en kannski býð ég einhverjum í mat hehehe sko í ógeðsmat, grænmeti, pillur og oregano olíu og þannig.....
Vá lengsta færsla í mörg ár! Kveðja, Hal

2007-11-04T23:23:00.000Z

Ný færsla

2007-10-28T23:18:00.001Z

Ný færsla

Ef ekki verður komin ný bloggfærsla innan viku þá má ég hundur heita t.d Snati, Lappi eða önnur sígild hundanöfn. Hægt er að kæra ef ekki birtist bloggfærsla. Kærur verða þó að berast innan tveggja vikna frá tilskyldum bloggfærsluskilatíma annars lenda þær í arninum (hmm sennilega fleiri ernir á Hvanneyri) eða erninum og nú ef í harðbakkann slær þá pakka ég brauði inní þær og gef hestunum. ONO (over n out) Hal

2007-09-23T22:40:00.000Z

Hmmmmmmmmjá...

...var að velta því fyrir mér að einfaldlega hætta að blogga...! Hvernig hljómar það? Þessar vangaveltur koma fram sökum þess að hér inn festist mjög lítið af bloggi nema kannski einu sinni til þrisvar sinnum á ári. Einhverra hluta vegna eru samt alltaf einhverjir sem kíkja hérna inn, magnað! Hvað veldur því að fólk kíkir á blogg sem gerist aldrei neitt á, er það kannski vegna þess að örsjaldan, eins og núna, gerist eitthvað jafnvel eitthvað ómerkilegt. Kannski er það þessi von , hugsanlega spenna, gleði yfir lífsmörkum, ánægja með að fólk uppskeri laun erfiðisins og tímasóunar með ofurlítilli færslu. sem fær fólk til að líta á aftur og aftur á lítt virkar bloggsíður sem þessa hérna. Express your feelings, kjútís!
Með vinsemd og virðingu
Hal

2007-06-30T01:43:00.001Z

Baráttufundur í Flóanum 28.. júní 2007

Sól í Flóanum, áhugahópur um verndun Þjórsár heldur baráttufund við Urriðafoss á sunnudaginn 1. júlí kl. 15:00. Náttúruunnendur, áhugafólk um verndun fossins og Flóamenn allir eru hvattir til að mæta og sýna þannig hug sinn. Fólki er bent á að sameinast í bíla eins og kostur er, nota bílastæði fjær fossinum, koma gangandi, á reiðhjóli eða ríðandi eða gera annað það sem kemur í veg fyrir bílastæðavandamál.Dagskráin verður stutt og hnitmiðuð, nærveran við fossinn verður aðalatriðið. Sól í Flóanum.

Þeim sem vilja sjá Þjórsá allt upp í Þjórsárdal er bent á að opinn sumarbústaður verður í Hagalandi um helgina hjá Guðbjörgu Friðriks og Sigurði L. Einarssyni. Þau bjóða kaffi og náttúruskoðun frá hádegi. Upplögð byrjun á góðum baráttudegi við Þjórsá.

Náttúruverndarsamtök Íslands, Reykjavíkurakademían, Hringbraut 121, 107 Reykjavík - S: 551 2279 Netfang: nsi@mmedia.is www.natturuverndarsamtok.is

2007-04-12T14:20:00.000Z

Hér koma nokkrar myndir úr brúðkaupi Benna og Höllu sem giftu sig fyrir stuttu í Skjólbeltunum hér á Hvanneyri. Mjög falleg athöfn!:)

Halla og pabbi hennar koma í hestvagni

Valdi Reynis. var ekill eða meðlabbari af því það var svo mikið rok

Sjálfur alsherjargoðinn gaf þau saman. Þarna sjást Benni, Álfsól, goðinn og Halla í einhverri seremóníu sem enginn heyrði í...

Goðinn með staupið góða sem hann notaði óspart, bæði til að drekka úr og hella úr og gefa brúðhjónunum.

Halla fær smásopa en ekki mikið af því hún er með leynifarþega...

Loksins orðin gift

And they lived happily ever after. Þarna eru þau á leiðinni í partý á Indriðastöðum sem stóð langt fram á nótt og var geðveikt skemmtilegt.

Þetta listaverk var gert af nýstofnuðum Listamannahóp sem kallar sig H (í öðru)ER(í öðru) og heitir Fljúgandi lopapeysur og fengu hin nýgiftu þetta í gjöf.

2007-04-12T14:08:00.000Z

Hér koma nokkrar myndir sem náðust fyrir Grímuballið 2007

Björk Harðar í gervi Guðrúnar Bjarna

Björk og Siggi Frigg í gervum Guðrúnar og Valda

Sunna sló í gegn sem Eiríkur Hauks.

María Theó og Sigurborg brugðu sér í gervi franskra þjónustustúlkna

Ég og Mattý (sem vantar á myndina) vorum Zorro yngri og eldri

2007-02-06T23:49:00.000Z

Jæja þá er bloggdvalinn búinn...

...og náttfötin reyndar löngu hætt að vera fastur samastaður fram til klukkan 10:00 á morgnana. En það kom svona náttfatatímabil hér í byrjun árs sem var alveg dásamlegt á sinn hátt en ekki sérlega vænt til þarfra verka eins og lærdóms, tiltektar, þorrablótunar, hestamennsku og annarrar íþróttaiðkunar.
Síðan síðast er margt búið að gerast, ég fór á photoreading námsskeið á Bifröst sem var mjög gott en ég hef ekki haft tíma til að æfa mig í hraðlestri síðan þá hversu vitleysislega sem það hljómar. Eina helgina fór ég með 2 fullgildum félögum og 4 unglingum í gönguferð í Langavatnsdal. Þar var á föstudagskvöldinu gengið inní gangnamannakofa Álfthreppinga, á laugardeginum var svo gengið sem leið eftir láglendi að stíflu einni klakabrynjaðri og yfir Langavatn í Torfhvalastaði þar sem kofi Borghreppinga er og gist þar. Á sunnudeginum var farið sem leið lá yfir í Svignaskarð. Sjá ferðasögu á http://www.bjsvbrak.is/ og hjá Súper Maríu. Þetta var dásamleg ferð með blíðskaparveðri þótt kalt væri.
Aðra helgina skellti ég mér á Þorrablót í Þingborg með Hrafnhildi, Ragnari og Atla. Við gistum heima hjá Hrafnhildi á Litla-Ármóti. Það var nú aldeilis gleði og gaman þar sem étinn var harðsvíraður hákarl og fleira gómsæti, fylgst með gríni afar vel gerðu af sveitungunum og tjúttað frá sér allt vit. Þegar heim var komið var ekki farið að sofa heldur stuttu seinna í fjósið sem var hreint út sagt dásamlegt. Þar fékk gamla sveitastelpan að mjólka, gefa kálfunum og þám kenna einum litlum að drekka úr fötu. Hefði ekki viljað missa af þessu fyrir fimmaur, alveg til að bjarga árinu. Svo hafa orðið þau sögulegu tímamót í hestamennskunni að ég er komin á annan taminn hest. Hann Þokki minn þessi elska tók uppá ýmsum dintum núna eftir áramót svona eins og að rjúka úti og inni á ólíklegustu tímum. Þetta var ekki sérlega vinsælt af samnemendum mínum. Þrátt fyrir að vera búin að ná jákvæðum tökum á honum að þá var ekki skynsamlegt að hafa hann áfram í tímunum þar sem ekki var alveg hægt að treysta honum til að hegða sér á hestsæmandi hátt. Svo í morgun áttum við saman síðustu stundirnar við að draga undan og rölta út í girðingu þar sem klárinn var sérdeilis glaður og hress með að sleppa út eftir laaaanga inniveru. Í gær vorum við að fara á bak tamningatryppunum í fyrsta skipti og hún Lydía litla sem ég er að temja var ekki alveg sátt við hnakkinn og hvað þá litla barnið sem var að labba í reiðhöllinni sem hræddi úr henni líftóruna. Svo fór ég á bak henni sem var allt í lagi fyrst en þegar fyrstu skrefin voru tekin að þá kom nú aldeilis fjör í kellu og hún hoppaði og skoppaði nokkrum sinnum en sem betur fór var kennarinn til staðar og passaði uppá að allt færi vel að lokum. Þetta fannst mér nú frekar fyndið að endilega þurfti merin hjá mér að láta svona þegar allir hinir voru ofboðslega þægir. Fékk smá flashback frá henni Kleópötru prinsessu:) En viti menn, í dag þegar ég fór á hana þá var hún ljúf eins og lítið lamb, þvílík og endalaus hamingja og gleði:o)
Um helgina fór ég með skólafélögum mínum norður í Húnavatnssýslu til þess að athuga hross til láns. Nánar tiltekið með honum Magnúsi frá Stóru-Ásgeirsá og Kristínu frá Vestmannaeyjum. Heima hjá Magga fékk ég að prófa 2 kostamerar og sjá mikla gæðinga og hitta fyrir mikil góðmenni. Núna er komin í stað Þokka gemlings ein brún meri sem heitir Ósk. Þess má geta að Lydía er líka brún. Þetta er ár hinna brúnu hrossa!!! Annars er mjög mikið að gera í skólanum þessa dagana og því ekki mikið bloggað en það mun gerast einhvern tímann...
Svo koma hér nokkrar myndir úr norðurferðinni.

Hér erum við Ósk

Hér erum við Maggi, flotti hjálmurinn er frá Elíasi pabba hans

Við Kristín
Maggi fer á Melbrá
Geggjað flott meri

The end!

2007-01-13T00:40:00.000Z

Hér með tilkynnist það...

...að ég er flutt inní Bleikköflóttnáttföt 42 og tek ekki á móti gestum. Innflutningspartí og innflutningsgjafir vinsamlegast afþökkuð sökum plássleysis...

2007-01-08T23:18:00.000Z

Prófin búin og ný önn að byrja...

...en ef ég þekki þennan skóla rétt þá fara önnur próf að byrja bráðum... Helgin var mjög skemmtileg. Á föstudag fór ég í tvær fjölskylduheimsóknir sem var mjög frábært enda finnst mér fjölskyldan mín nær og fjær æðisleg:) Eftir langt og skemmtilegt samtal við Rúnu frænku í Borgó áðan þá komumst við að sameiginlegri niðurstöðu um það að við ættum frábæra fjölskyldu og það sem meira væri þá væru líklega allir fjölskyldumeðlimir sammála um þetta líka HAHAHA... Svo fór ég í heimsókn til Erlu í Innri Njarðvík í nýja húsið þeirra, ómg hvað það er flott hjá þeim og þau frábær. Á laugardeginum var ég í flu geldasölu sem var alveg ágætt nema hvað úttektin var töluverð í flu geldum og það er leiðinlegt að skjóta upp einn. Svo ég fór uppí Ölvisholt og fékk þar frábæra drengi þá Huga og Elías ásamt móður þeirra til þess að vera áhorfendur að flugel dasýningunni. Það fannst þeim sko ekki leiðinlegt. Elías sigraðist á flugeldahræðslunni og ætlaði aldrei að hætta að hlægja, bara fyndnir bræður.
Á sunnudag komst ég í aðeins fleiri skemmtilegar heimsóknir m.a. til Ásgeirs. Það var gaman að sjá hvað hann er farinn að verða hress. Það er löng leið að fullum bata ennþá en þetta er allt á uppleið.
Um næstu helgi er svo ferð með Bjsv.Brák í Langavatnsdal, sýnist nú stefna í að það verði töluverður snjór eins og síðast þegar við fórum. Það var nú eiginlega bara nokkuð sniðugt hvað snjórinn var djúpur, hann var alveg klofdjúpur á köflum. Amk góð æfing!

Hef stundum verið að spá í því við keyrslu á þjóðvegum landsins hvaða fólk það er sem maður mætir, hvaðan það er að koma og hvert það er að fara. Það bara brunar framhjá án þess að vinka eða kynna sig enda ekki mikill tími kannski til slíkra tjáskipta. Langar líka oft til þess að hrósa fólki sem stendur sig vel í umferðinni, s.s. gefur alltaf stefnuljós, blikkar aðra með bremsuljósum þegar eitthvað óvænt er framundan, hleypir framúr á góðum stöðum o.s.frv. Að sama skapi langar mig oft til þess að gretta mig illilega framan í þá ökumenn sem stofna lífi annarra í hættu með ofsafengnum frekjuakstri og frenjugangi, gefa aldrei stefnuljós, vinka aldrei tilbaka, svína í veg fyrir aðra á slæmum stöðum o.s.frv.
Með þessu skriferíi er ég ekki að segja að ég sé barnanna best (best of the babies) þar sem ég brýt stundum örlítið umferðarreglurnar t.d. með gleymsku á stefnuljósagjöf og ýmsu öðru. En endilega take my advise I´m not using it...
Verum góð við hvort annað í umferðinni, brosum til náungans, vinkum fólki, merkjum bílana eins og vörubílsstjórar með nafni, hættum að keyra eins og hálfvitar og síðast en ekki síst málum hippablóm á bílana okkar. ÞAÐ EIGA ÖLL DÝRIN Á VEGINUM AÐ VERA VINIR!
over and out
hal

2007-01-03T23:35:00.000Z

Meiri próf...

...er ekki hægt að leyfa manni að sleppa einu sinni með að taka próf? En allavegana þá verður þetta síðasta prófið í bili. Fyrir þá sem fengu ekki jólakort þá er meðfylgjandi mynd til þeirra með kærri kveðju frá jólasveinunum Þokka, Stúfi og Kleópötru. Oooooooog síðast en ekki síst:

GLEÐILEGT ÁR OG TAKK FYRIR ÞAÐ GAMLA, MEGI ÞAÐ SEM GENGIÐ ER Í GARÐ VERÐA YKKUR FARSÆLT MEÐ GLEÐI, FRÖNSKUM (kossum), GÓÐU VEÐRI OG HAMINGJU!!!

Áramótaheitið mitt verður einfalt, hætta að reykja eins og síðast enda mjög auðvelt að standa við það, kannski spurning um hvort maður ætti að hætta óbeinum líka og svo vera duglegri að læra í skólanum... byrjar ekki of vel enda erfðafræði ótrúlega þreytandi fag:). En aðal áramótaheitið er að taka þátt í hálfmaraþoni í sumar enda kominn tími til og er það á stefnuskránni að æfa fyrir það og ekki drekka dropa bjór daginn fyrir hlaup. Nóg komið, nú er ég farin að læra.

over and out

2006-12-16T21:10:00.000Z

Það verða jólatré og...

...meiri jólatré til sölu fyrir jólin í Ölvisholti sem er 12 km austan við Selfoss. Ef ykkur vantar æðislegt, sérstakt, fallegt draumatré með skemmtilegan karakter þá er þetta málið. Komið, leitið, veljið, finnið og sagið eða takið með rótum jólatréð ykkar. Njótið útiveru og upplifið jólastemningu í holtinu í Flóanum. Ótrúlega frábært verð fyrir góða ferð!:o) Heppnir gætu hugsanlega fengið leiðsögn um staðinn eða jafnvel kakó og smákökur en samt ekki loforð:o) Amk ekki uppí ermina þar sem það fer eftir stund og önnum. Upplýs. í síma 6990717 (Halla). Betra samt að hringja eftir 19.des því þá er síðasta prófið en Nonni bróðir og fjölskylda eru að leiðbeina fólki þangað til.

Á sama stað er einnig hægt að fá ótrúlega góðar málaðar 200ltr. málmtunnur með loki eða skrúftöppum. Endalausir notkunarmöguleikar, t.d. sem blóma eða trépottar, ruslatunnur, fyrir skíði og bretti þar sem vantar bílskúr, fiskabúr, óhrein föt þar sem sjaldan er þvegið, óþekka krakka, maka, vini og gæludýr og svo margt, margt fleira. Leiðbeinandi verð fyrir bæði tunnur og meter á trjám er 1200.- en jafnvel hægt að prútta uppá afríska mátann... Amk ef brugðið er fyrir sig swahili eða bimbe... Upplýsingar í sama símanúmeri og hér að ofan og helst ekki fyrr en eftir hádegi 19.des:o)

Á sama stað eru einnig höfuðstöðvar hins framsækna fyrirtækis Ísplantna sem sérhæfir sig í lífrænu plöntutei og plöntuhylkjum. Sjá heimasíðu Ísplantna. Í Ölvisholti er hægt að fræðast um fyrirtækið og framleiðslu þess frá fyrstu hendi. Þessar íslensku plöntur eru svo sannarlega magnaðar...

Þá er sölumennsku.is á blogginu lokið en endilega látið vini, vinnufélaga og ættingja vita af þessum frábæra kosti fyrir jólin:o) Að heimsækja friðinn og kátínuna í sveitasæluna:)

2006-12-16T20:31:00.001Z

Já, þess er óskandi...

... að Ásgeir sé nú kominn yfir mestu baráttuna og leiðin liggi bara uppávið. En ef þið hafið fylgst með líðan hans að þá hafið þið séð að baráttan fyrir lífinu og bata hefur verið mjög hörð. Ótrúlega mikið sem hann er að ganga í gegnum. Það verður bara að halda áfram að senda góða strauma, ljós og biðja fyrir bata. Hann er svo frábær manneskja og á allt það besta skilið ekki síst góðan bata.

Ef þið hafið ekki tekið eftir því þá eru komnar myndir inn á myndasíðuna mína:
Myndir úr jarðfræðiferðalagi
Kerling og Lofthellir
Veiðiferð í Laufdalsvatn o.fl.
Girðingarvinnumyndir
Danmerkurferð
Hvalaskoðunarferð með Hafsúlunni
Hellaferð í Leiðarenda

Nú eru próf í gangi og lítið annað að gerast þess utan. Fjölskyldan, vinirnir og hestarnir fá næstum minnstu mögulegu alúð, og björgunarsveitin líka en sýndi smá lit í dag með nokkurra tíma bílastæðaábendingum við Húsasmiðjuna. Verð búin í prófum 19.des og ætla að fara heim þá. Óvíst er hvort jólakort berist fyrir þessi jól, mögulega gætu þau komið milli jóla og nýárs eða á nýja árinu eða jafnvel ekki. Búálfurinn er samt búinn að lofa að skrifa nokkur. Ég reyndar fann nokkur hálfkláruð og nokkur sem aldrei voru send á síðasta ári. Hver veit nema einhver fái tvö hahaha... Tel samt líklegra að þau verði heldur færri en eitt... Já það er sem sagt mikil röð og regla á jólakortaskrifum hjá mér þessi síðustu ár. Kannski það verði opna, lesa, svara aðferðin sem stundum hefur svínvirkað vel HVER VEIT?:O)
Elskykkur
Hal

2006-12-04T23:26:00.004Z

Dronning Margrét...

...fær aðeins meiri umhugsunarfrest fyrst hún er ekki búin að svara bréfinu ennþá. Hún hlýtur nú að vera búin að lesa það, ég meina halló er hún ekki að lesa bloggið mitt eða? Og hvað með þau Ólaf Ragnar og Dorrit, þetta er nú eftir allt opinbert bréf... Mér líst líka vel á að skella bjórnum, námsstyrkjunum, vegunum og vindmyllunum inní þetta Lilja:)

Fyrir þá sem þekkja hann Ásgeir Sæm. í Borgarnesi góðan vin minn og svo margra annarra þá var það hann sem lenti í kite dreka slysinu í Svignaskarði og slasaðist lífshættulega. Hann er ennþá á gjörgæslu og ef þið hafið smá pláss fyrir hann í bænunum ykkar þá bið ég ykkur um að senda honum góða strauma fyrir bata. Fréttir af líðan hans má finna á www.bjsvbrak.is

Slysið sem gerðist á Suðurlandsvegi um helgina var mjög hræðilegt og sorglegt og votta ég fjölskyldum þeirra og vinum sem létust innilega samúð. Það var óneitanlega furðuleg tilfinning að heyra nöfnin á þeim sem létust í slysinu á Suðurlandsvegi um helgina. Sama dag og Ásgeir lenti í slysinu fyrir rúmlega viku, lést maður í kajakslysi í Hvalfirði sem hét líka Ásgeir. Maðurinn sem lést í slysinu á Suðurlandsvegi hét Ásgeir. Litla stúlkan sem lést var Ásgeirsdóttir en ekki dóttir mannsins sem lést; í fréttunum var sagt að hún hefði verið með pabba sínum í bíl þá heitir hann væntanlega Ásgeir. Á viku lenda amk 4 Ásgeirar og tvö Ásgeirsbörn í slysum. Þrír af þeim eru einhleypir og barnlausir. Það eru bara 1062 sem heita Ásgeir á Íslandi eða 0,3% þjóðarinnar. Hvað er eiginlega að gerast?

2006-11-16T23:54:00.000Z

Í dag skammast ég mín...

...fyrir það að vera íslendingur. Svona eins og margir ameríkanar skammast sín fyrir að vera ameríkanar og segjast stundum vera kanadamenn. Ég vildi frekar að ég væri dani og er að spá í að hringja í dronning Margret og biðja hana að taka við okkur aftur, við séum alveg að klúðra þessum "lýðræðismálum" hérna. Stjórnmálamennirnir t.d. umhverfisráðherra og iðnaðarráðherra kunna margir hverjir ekki að lesa (lög og reglur) og kunna ekki að höndla þetta vald sem þeir fá í hendurnar. Tja, kannski það sé bara best að skrifa opinbert bréf til dronning Margret. Hér kemur það bara alveg óvænt:

Kjære dronning Margret
Kan du hjelpe oss islendinger og tage oss tilbage under din beskyttelses ving? Vi er lidt for dumme i hovedet for at styre sadan et fint land som Island er. Vi vælger alt for mange dumminger pa parlamentet som ved ikke en skid om livets viktigheder og holder pa med at dræpe svage islendinger og pæn islandsk natur. Hjelp kjære Margret vi holder pa med at döde i politisk skid, polutering og drukne i aluminiumsöppel!!!
Kærlig hilsen fra din islanske venninde,
Halla

2006-11-14T22:11:00.000Z

Jæja þá er ég loksins búin...

...að jafna mig á veikindunum... :) Reyndar fyrir soldið löngu en takk fyrir batnóskir og góða strauma. Er samt ekki fyrr en núna farin að hafa mig af stað í ræktina, ferlegt að detta svona niður í spikafhlaupi. Að vísu fær maður þónokkra hreyfingu úr reiðmennskunni svo það er nú kannski ekki alveg verið að spikhlaupa þannig sko... Allavegana síðan síðast er ég búin að fara á járningarnámsskeið og járna tvo fætur alveg sjálf. Ætli það hafi ekki tekið um 4 klukkutíma samtals en samt rosalega mikið afrek:) Tek ofan fyrir járningarfólki!
Um síðustu helgi var ég að læra, prjónaði húfu, fór á hestbak og horfði á 4 bíómyndir. Hostel - vá en subbuleg mynd ojbara. Hún byrjaði mjög fyndin með honum Óla flippaða íslendingnum á bakpokaferðalagi en svo þegar morðin voru byrjuð þá ojbara. Er svona til? Hitchhikers guide to the galaxy - alveg alltílagi til að ná sér eftir Hostel, þunglynda vélmennið með stóra hausinn var langkrúttlegast. Scary movie 2 hmm mæli ekki með henni. Svo mynd um ástralska konu og japana sem fara saman í óbyggðir Ástralíu - fín mynd, hvetur mann frekar til að fara að ferðast en Hostel - samt örugglega áhugaverðara að vera japani og horfa á myndina. Eða eitthvað... Nú er ég hætt í kvikmyndagagnrýni og farin að reyna að finna eitthvað um Global warming effects on wetlands plant ecology... eða áhrif hnattrænnar hitnunar á plöntuvistkerfi votlendis... jibbí:)

2006-10-16T11:24:00.000Z

Það varð ekkert af...

...því að ég flækti hárið í greinum í birkiskógi og að ég hóaði mig hása við að reka á eftir rollum, heldur ekki af björgunarsveitaæfingum, ekki í afmælispartý hjá Hrefnu og Fríðu, ekki í partý hjá Elsu og co, komst heldur ekki í rjúpuskyttuútkall, ekki á hestbak og gat ekki gleymt erfðafræðinni né lært hana af þeim sökum að ég varð V E I K á lau og sun. Hef ekki orðið veik síðan síðast og man ekki einu sinni hvenær síðast var. Að vísu gat ég passað hann Vask, hundinn hennar Oddu sem var líka svo heppinn að eiga Önnu Sif og fjölsk. að sem nenntu að koma og fara með hann út að labba. Þessi hundur er ekkert smá sætur og fyndinn. Svo var ég svo heppin að eiga þær Björk og Heklu Bjarkardóttur og Guðrúnu álfadrottningu í Álfhól að sem komu og litu eftir mér og fóru sem betur fór ekki út að labba með mig í ofsaveðrinu. Guðrún er líka dýrahjúkka og vissi alveg hvað svona animal eins og mig vantaði, sem sagt hitamæli og appelsín... Takk!

Í dag eru fjöllin orðið hvít og komin snjóföl í Kalmanstungu samkv. Óla bónda sem ég talaði við í morgun. Þeir smöluðu í ömurlegu veðri í gær og hann sagði að ég hefði verið heppin að hafa verið veik og komast ekki í smölun... hmm ég er samt ekki alveg sammála, vantaði að komast í hasar:( Dreymdi reyndar að ég væri í hasarsmölun hjá Ollu í Hrygg þar sem nokkrar lambær höfðu orðið eftir úti og við þurftum að hlaupa lömbin uppi til að ná þeim. Það var reyndar smá sálaruppbót og sárabót haha. Svo dreymdi mig líka að ég var að fara á hestbak á Þokka í miklum snjó þar sem voru bæði fyrrum vinnufélagar af Ljósheimum og Landgræðslunni að vinna. Ég varð að snúa við úr reiðtúrnum til að ná í eitthvað og batt Þokka við girðinguna, svo lít ég út um gluggann og sé hvar hrikalegur snjótætari frá Landgræðslunni er að tæta í átt að honum Þokka mínum og þegar ég kem út er hann sloppinn en nýi taumurinn sem ég fléttaði er klipptur í bita. Er einhver góður í að ráða drauma?

Svo var ég að uppgötva að ég verð að sleppa katólsku messunni sem hin mexíkanska systir Olga var búin að bjóða mér í í dag. Hætti við útaf hestunum, aldrei að treysta þessum bændum... Ég hringdi í hana áðan til þess að láta hana vita að ég kæmist ekki og reyndi að forvitnast aðeins um það hvað væri öðruvísi við þessa messu en aðrar. Það var eitthvað mjööög sérstakt við þessa messu í dag miðað við aðrar messur en ég get ekki sagt hvað það var þrátt fyrir að hafa talað við hana í korter á spænsku. Ég spurði hana hvort það væri alltí lagi að koma í katólska messu þó að maður væri spíritisti. Það var víst allt í góðu því þetta er víst sami Jesú og í Lúterstrú sem elskar alla og svoleiðis en ég held samt að hún hafi orðið pínu skrítin í símann. Ohhhhh hvað ég vildi að ég hefði skilið allt sem hún sagði, það var örugglega mjög áhugavert.

búið í bili

2006-10-13T19:51:00.000Z

Vinur í raun:)

Jæja, búin í einu prófi og þá eitt eftir... Var úti í hesthúsi í 3 og hálfa klst í dag. Þokki minn ætlaði alls ekki að skilja hvað ég ætlaðist til af honum þegar ég tróð honum fullorðnum, stórum klárnum inní pínulítið tamningargerði og ætlaði að láta hann hlaupa í hringi. Það tók dágóða stund og ýmsar tilraunir og tilfæringar að koma honum í gang en tókst á endanum. Svo ætlaði ég að gera hlutina skemmtilega og fara í reiðtúr en við vorum með allt aðrar meiningar um hver tilgangurinn með reiðtúrnum var. Eftir þessa törn var ég alveg búin með andlega orku og þá tók við tamningar með Hrafnhildi á litla dýrinu henni Kleópötru. Sem sagt orkan alveg kláruð í dag. Er að fara að passa hundinn hennar Oddu um helgina og smala á morgun í Kalmanstungu. Vá hvað ég hlakka til að komast í birkiskóg, á nýjan hest að elta runnarollur, hóa mig hása, flækja hárið í greinum og gleyma erfðafræðinni um stund:)

Skrapp með bók til Guðrúnar í Álfhóli í gærkvöldi og þar tók á móti mér vinur minn sem er alltaf svo ofsakátur að sjá mig að hann missir alveg töluvert mikið af þvagi. Það hefur meira að segja gerst að hann hefur lúffað og lagst á bakið og pissað uppí loftið og þ.á.m. á mig. Ef þetta er ekki vinur í raun þá veit ég ekki hvað... hahaha En ekki er ég þó sérstaklega að mælast til þess að vinir mínir pissi á mig þegar við hittumst.

Góða helgi!

2006-10-11T23:51:00.000Z

Ég ætla að vera rosalega...

...dugleg að læra fyrir erfðafræðina og nota alla næstu viku sem ég hef til að læra til að actually læra af því að erfðafræði er bæði flókin og erfið. Það var planið einu sinni að minnsta kosti... Reyndar þá voru um 2-3 klst =14 klst settar inná flesta daga í hesthúsið og ca.4.13klst í ræktina, hanga og hugsa um misgáfulega hluti ca.1.07klst á dag = 7.49klst , klósettferðir = 1.35 klst, sturta samtals um 2.46klst, elda og borða ca. 10.02 klst, afmælisboð ca.3.15klst, smölun í Kalmanstungu 10 klst, fara í katólska messu í kaupstaðnum ca.5 klst, sofa = 49.45 klst, fara í heimsóknir 2 klst sem gerir samtals 104.32klst og í 7 sólarhringum eru 168klst = 57.28klst sem ég hef til þess að læra erfðafræði nema ég fari á björgunarsveitaræfingu á sunnudag þá eru bara 52.28klst eftir. Oog af hverju ég var að reikna þetta?

2006-10-10T11:37:00.000Z

12000asti gesturinn fær matarboð í verðlaun:o)

2006-10-10T10:38:00.001Z

Það verður allt einhvern veginn...

...svo miklu mikilvægara en að lesa undir próf þegar maður Á AÐ VERA AÐ lesa undir próf t.d. að taka til, bjóða fólki í mat, blogga, hreyfa sig af miklum krafti, fara á hestbak og heimsækja vini og kunningja sem maður hefur ekki hitt lengi og skiptir eiginlega ekki máli hvort maður bíður í viku eða mánuð í viðbót. Samt... þá veit maður aldrei hvenær maður gæti hrokkið uppaf...
Allavegana til þess að katsja upp hvað gerðist að núinu þá heldur annállinn áfram:

-Fór ég að smala í kringum Strútinn með Kalmanstungufólki og það á honum Þokka taugahrúgu sem langaði mest að rjúka í kringum fjallið og ljúka þessarri hræðilegu lífsreynslu af sem fyrst. Það var nú bara sem betur fór í byrjun þegar veðrið var sem verst. Hef bara sjaldan upplifað annað eins hrikalegt slyddurok. Svo fór veðrið að skána og var orðið fínt um miðjan daginn. Þá varð nú klárinn allur annar og óð eins og jarðýta í gegnum birkiskóg og yfir úfið hraun í gleði sinni á eftir skjátunum. Sem sagt prýðilegur smalahestur. Alltaf jafnmikið stuð að komast í smölun, réttir, kjötsúpu og partý með Kalmanstungufólki:)

-Svo gerðist sá fáheyrði atburður að ég skellti mér ásamt Elsu og nokkrum vinkonum hennar í Reykjaréttir á Skeiðum. Þar voru nottlega rifjaðir upp gamlir taktar í að draga fyrir Oddgeirshólabændur. Sumir í hópnum voru að koma í réttir í fyrsta sinn og draga sína fyrstu rollu. Ótrúlegt en satt... Rollurnar sem voru um 4000 stk. hafa ennþá vinninginn á fólkið sem var um 2000 stk. Ennþá raunhæfara að draga rollu frekar en fólk.

- Eins og áður hefur komið fram þá er ég byrjuð í hrossarækt og er að reyna með góðra vina hjálp að temja litla 11-12 vetra tryppið mitt. Ég er búin að fara núna 4 sinnum á bak henni í hringgerði undir stjórn Hrafnhildar á L-Ármóti og Oddu úr Kollafirði og það hefur gengið stórslysalaust. Hún tók hressilegt ródeó og henti mér reyndar soldið glæsilega af í eitt skiptið og ég er ennþá með fagurfjólublá innanverð lærin... Aldeilis fínt:) Svo hefur leiðin legið uppá við...

- Loksins loksins loksins komst Útivistarklúbburinn á Hvanneyri á Skessuhornið sem hefur verið á dagskrá í 2 ár... Þetta var frábær dagur og næstum allir af 20 manns komust á toppinn. Sjá myndir. Já, þetta tókst fyrir rest!!!

- Um helgina fóru Hvanneyringar (og Hvanneyrarvinir) á Íslandsmeistaramótið í bandý. Ég ætlaði nú bara að vera klappstýra á bikiní með dúska í annarri og myndavél í hinni en svo varð maður að hlaupa frá sér allt vit þarna. Þetta var stórskemmtilegt, við töpuðum aldrei gleðinni og hefðum unnið keppni í að vera "flestar stelpur í liði". Svo eignuðumst við stuðningsmenn úr hinum liðunum á meðan við vorum að spila. Svo þetta var allt mjög jákvætt og skemmtilegt. Þó að við skoruðum bara eitt mark eins og í fyrra og lentum í 8.sæti .......af 8:o) myndir

-Annars er bara fjör á Hvanneyri, partý á fimmtudögum, nýtt frábært fólk á ganginum (sakna samt fyrri granna), alltaf gott veður, skemmtilegir áfangar í skólanum og friðuð blesgæs í túni...

...eeen nú verð ég víst að fara að læra undir erf(i)ðafræði og jarðfræði Íslands próf

over and out

2006-10-08T00:02:00.000Z

Það mætti kannski orða það þannig að ...

...það líður of langt á milli pósta á þessu blessaða bloggi. Ég ætlaði svo mikið að ræða náttúruverndarmál strax í kjölfarið á göngunni hans Ómars en núna er ég ekki akkúrat í náttúruverndarstemmaranum en ég bendi á afar góða grein hjá honum Davíð bloggara.
Nú er komið að því helsta sem gerðist í sumar:

-Eins og áður hefur komið fram var ég ekki að guida í sumar heldur var ég í girðingarvinnu hjá Landgræðslu Ríkisins sem var alveg hreint frábært. Í allt sumar frá 8-18 vorum það bara ég og hann Jón Kaldi '37 módel að jeppast meðfram girðingum upp um fjöll og firnindi með dásamlegt nesti lagað í Gunnarsholti. Eitt orð um Gunnarsholt: mmmmmmmatarást. Frábær vinnustaður og skemmtilegt fólk að vinna þarna. Myndir síðar...

-Snemmsumars var stofnað Ferðafélagið Tæfurnar þar sem við Elsa og Jana ákváðum að setja fram gönguprógram fyrir sumarið sem við myndum síðan reyna að fara eftir til þess að gera eitthvað í sumar. Með Tæfunum gekk ég Varmalækjarmúla, Fimmvörðuháls, á Kerlingu, fór í Lofthelli og svo mætti kannski líka segja Reykjavíkurmarathonið þar sem það var á dagskrá. Myndir verða birtar síðar sem segja meira en þúsund orð.

-Ein vika fór í það að fara í jarðfræðiferð um Suðurlandið með samnemendum mínum í Náttúru og umhverfi. Það var mjöög skemmtileg ferð sem lengi verður höfð í manna minnum. Myndir síðar...

-Ekki má gleyma brúðkaupinu hjá Ruth og Auðunni þar sem ég fékk þann heiður að vera veislustjóri og reyndi auðvitað mitt allrabesta til þess að skemma ekki daginn fyrir þeim hahaha. Því miður átti ég ekki mynd af þeim stórglæsilegu hjónum til þess að flagga hér á "svipmyndum frá sumrinu" en vonandi rekur hún systurdóttir mín augun í þessa bloggfærslu og reddar því snarlega...;)

-Í lok ágúst var lagt land undir fót og farið til Danmerkur á Madonnu tónleika og miðaldafestival í Horsens. Þar dvöldum við Sigrún Ýr og Hrefna hjá Hönnu og Gauja og þeirra snáðum. Það var geggjað skemmtilegt. Tónleikarnir sem við deildum með 85000 manns voru fínir og við heppnar með staðsetningu. En ég verð nú að segja að mér fannst miðaldafestivalið pínulítið mikið skemmtilegra þar sem andi miðbæjar Horsens var færður aftur á miðaldir. Það var trjákurli stráð á göturnar, eldur í ljóskerum í stað ljósastaura, steikingarbræla og reykjarbræla, stórir sem smáir sem voru í miðaldabúningum, riddarakeppni, riddaratjöld og svo framvegis. Myndir koma síðar:)

-Um Verslunarmannahelgina var ég í gæslu á Þjóðhátíð sem var mjög gaman og lærdómsríkt. Þangað fórum við Kristín Katla saman ásamt sérþjálfuðu fólki úr Borgarnesi, af Skaganum, Reykjavík, Ólafsvík, Keflavík, Grindavík og Hellissandi o.fl. Þetta var að minnsta kosti frábær hópur. Svo vorum við þarna að vinna með foreldrum barna í ÍBV og nokkrum yngri leikmönnum sem var mjög gott fyrirkomulag. Við með faglegu hliðina og þau með félags- og samfélagslegu hliðina. Það verða samt ekki sýndar myndir úr morgunpartíum þaðan...haha

-Í sumar gerðist sá merki hlutur að ég byrjaði aftur í hestum enda kannski kominn tími til þar sem hestarnir mínir eru farnir að eldast og við eigum ennþá ýmislegt óuppgert. Núna eru Þokki og Kleópatra sem sagt flutt vestur til þess að skólast með mér hér á Hvanneyri. Þokka er ég með í hrossarækt 1 þar sem ég læri Knapamerki 1 og 2. Kleópötru ætla ég svo að reyna að gera reiðfæra því annars mun það aldrei gerast því hún er að verða svolítið gamalt tryppi eða ca.11-12 vetra.

-Fór í næturgöngu á Vörðufell með henni Lilju þar sem við lögðum af stað upp um það leyti sem sól var að setjast niður fyrir sjóndeildarhringinn og komum niður aftur þegar sólin var að koma upp aftur. Geggjað veður, útsýni og mosi.

-Fór í afmæli til hennar Önnu Sifjar að Ytra-Skörðugili í Skagafirði. Það var mjöög mikið stuð og gaman. Skagfirðingar kunna sko að skemmta sér og vera skemmtilegir:)

-Fór í mjög fallegt og skemmtilegt brúðkaup hjá Elsu og Nonna. Gaman að sjá þau aftur en þau búa í Lúxemborg.

-Hljóp 10km í Reykjavíkurmarathoni með Sigrúnu frænku alveg óæfð og drakk einn bjór kvöldið áður og var bara 2 mín seinni en síðast þegar ég fór búin að æfa í 2 vikur. Sem sagt skiptir eiginlega engu máli hvort maður æfi í 2 vikur eða bara sleppi því og drekki bjór í staðinn...

-Var í hvalaskoðun og bátagæslu á menningarnótt og líka á ljósanótt, gott að komast út á sjó aftur. Ætla að reyna að gera meira af því í vetur.

-Veiddi rosalega marga fiska á veiðistöngina mína:) M.a. í veiðiferð fjölskyldu og vina sem farin var í Laufdalsvatn. Myndir síðar...

-Stór hluti sumarsins fór í pælingar með gamalt hús heima í sveit sem ég ætla að gera upp og það á hug minn og hjarta þessa dagana og því skal ekki neita að þar er ég mjöög heimakær.

-Fór í nokkra hella í sumar sem ég hef ekki komið í áður; þeirra merkastir voru Arnarker í Selvogi og Leiðarendi á Bláfjallaleið. Myndir síðar...

...svo eru alveg milljón hlutir sem gerðust sem ég er að gleyma en sumarið var í einu orði sagt MEIRIHÁTTAR!!!

2006-09-25T00:09:00.000Z

Göngum með Ómari - þjóðarsátt fyrir komandi kynslóðir

Boðað er til fjöldagöngu með Ómari Ragnarssyni frá Hlemmi að Austurvelli klukkan 20.00 á þriðjudag. Ómar hefur kynnt hugmyndir um nýjar leiðir sem fela í sér að hægt verði að afla raforku til að knýja álverið í Reyðarfirði án þess að fórna þeim náttúruperlum sem færu undir fyrirhugað Hálslón. Ómar leggur til að fyllingu Hálslóns verði frestað og Kárahnjúkavirkjun verði geymd ógangsett sem magnað minnismerki um hugrekki þjóðar sem leitaði sátta við kynslóðir framtíðarinnar og eigin samvisku.

Ómar kynnti þessar hugmyndir sínar á blaðamannafundi á dögunum. Við tökum áskorun hans og sýnum stuðning okkar í verki með því að safnast saman og ganga niður Laugaveginn. Við hvetjum þig til að gera slíkt hið sama.

Því er boðað til:

Jökulsárgöngu niður Laugaveginn á þriðjudag kl 20.00 frá Hlemmi að Austurvelli

Horfumst í augu við siðferðislegar skyldur okkar gagnvart landi og náttúru! Göngum með Ómari niður Laugarveg á þriðjudaginn.

Stöndum saman, sendum áfram og tryggjum góða mætingu!

2006-09-22T11:56:00.000Z

Hmm já kannski spurning um að útskýra myndirnar þegar fólk er búið að skoða þær og setja ímyndunaraflið á fullt. Væri gaman að heyra það sem fólki datt í hug. Kannski eitthvað á þá leið: "Var greyið hún ein í heiminum í sumar eða?" Það er ekki reyndin. Þetta var dásamlegt sumar. Ekki hugsa of mikið - bara vinna og svo hafa tíma til að gera eitthvað annað en vinna. Sem sagt gerólíkt sumrinu í fyrra.
Þá eru það myndaútskýringar:

1.mynd er af dropasteinum í helli sem heitir Leiðarendi og er á Bláfjallaleið. Alveg hreint magnaður hellir, einn sá flottasti sem ég hef komið í. Fór þangað með nokkrum vúfferum frá Nonna bró.

2.mynd er af einum af uppáhaldsfuglunum mínum, fýlnum. Tekin í hvalaskoðunarferð með Hafsúlunni á marathons og menningarnæturdeginum. Geggjuð ferð og fullt af fuglum og hvölum.

3.mynd er tekin á Miðaldafestivali í Danmörku í ágúst. Þar gat maður fengið að prófa að skjóta af boga. Fór tvisvar, í fyrra skiptið eftir nokkra öllara og ótrúlegt en satt þá var ég miklu betri þá... Spurning um að drekka meira... eða ekki.

4.mynd þarna er kind sem er á leið í hestakerru í Fljótstunguréttir, skilur ekki neitt í neinu.

5.mynd er af honum Jóni mínum sem ég var að vinna með í allt sumar í girðingunum í Gunnarsholti. Þarna er hann á girðingarbílnum okkar að skima eftir áburðarpokum sem fuku út um allan sand og við vorum að tína upp.

6.mynd er tekin við Gunnarsholt þegar tunglið kom upp yfir fjöllin skærappelsínugult, ótrúlega fallegt. Myndin er ekki fiffuð.

7.mynd er af hestum við holtið heima. Litla krúttmerin hún Kleópatra er þarna á bakvið.

8.mynd er af litlum bleikjum sem veiddust í Laufdalsvatni í sumar þegar fjölskyldan skellti sér í veiðiferð þangað. Svo var hluti aflans grillaður og étinn með bestu lyst. Veiddust yfir hundrað fiskar sem var rosagaman.

9.mynd er af kindum sem voru að væflast á svæðinu sem við vorum að girða á í Selvogi í sumar og báðu um smá myndatöku.

2006-09-13T22:00:00.000Z

Byrjum á svipmyndum frá sumrinu sem er að líða...
Þess má geta að myndasíðan mín er í endurgerð og mun ekki opnast fyrr en eftir mánuð.

2006-09-10T21:22:00.000Z

Þá er helgin langa loksins búin...

...en það er alltaf frekar erfitt að byrja að skrifa þegar maður hefur ekki verið að skrifa neitt lengi þannig að ég veit ekkert hvað ég á að skrifa núna og ætla bara að skrifa einhverja vitleysu í nokkrar línur þannig að það líti bara út fyrir að ég sé rosalega dugleg að blogga þótt ég sé í rauninni mesti letingi við að skrifa og núna hlýtur sá sem er búinn að lesa alla leið hingað að vera orðinn frekar þreyttur á því að lesa þetta rugl en heldur samt áfram að lesa af því ég held áfram að skrifa á meðan aðrir hafa örugglega hætt á miðri leið og enn heldur viðkomandi áfram að lesa af því hann veit ekkert hvernig þetta á eftir að enda og ég ekki heldur því í rauninni eru það bara puttarnir á mér sem halda áfram en ég er löngu hætt að hugsa um það hvað ég er að skrifa en allaveganna eigið góðar stundir í bili svo kemur meira seinna punktur

2006-06-09T20:43:00.000Z

Hér fer alveg mjööög bráðlega eitthvað að gerast:o)

2006-05-17T01:47:00.000Z

próf + annir + sumarspenningur + meiri annir = ritstífla

2006-05-02T01:25:00.001Z

Hér eru myndir af ofurgríslunni Bónus úr Lundareykjadal og honum Káti ofurkrútti í Álfhóli.

2006-04-25T17:35:00.000Z

"Sumar nei vetur ehh kannski sumar eða bara vetur eða reyna vor æ ég veit ekki...?"
Alveg er ég sannfærð um að veðurguðinn mikli sé með mikinn valkvíða. Hann virðist vera í miklum vandræðum með að ákveða hvernig árstíð hann ætlar að hafa á degi hverjum. Hann hlýtur að vera orðinn ástfanginn... Það hefur verið rannsakað að karlkynið á erfitt með ákvarðanatökur þegar hugsanir þeirra eru gagnteknar af hinu kyninu og kannski sínu eigin...
Reyndar er það fínt að fá snjó og smá hálku öðru hverju því þá hefur maður ennþá smá afsökun fyrir því að vera að draga það að fá sér sumardekk...

Hvanneyri í augum annarra
Fyrir síðustu helgi komu vinkonur mínar í saumaklúbb á Hvanneyri sem hafði aldrei gerst áður:) Boðið var uppá skoðunarferð um staðinn, í fjósið, til gríssins Bónusar, að tjörninni og um alla skólabygginguna. Það var ekkert smá gaman að fá þær í heimsókn og líka það að sjá Hvanneyri með þeirra augum. Bónus átti hug og hjörtu þeirra og var hún kölluð krúttpjakkur en svo fannst þeim staðurinn æðislegur. Já, staðurinn er frábær en lengi má gott bæta.

Kröfuganga-málþing-deiliskipulag
Þessa dagana er allt í gangi hér á Eyri Hvannarinnar. Í gær fór Áhugafólk um betri Hvanneyri í létta kröfugöngu í anda franskrar byltingar um Hvanneyri þar sem áhersla var lögð á bætingu göngustíga, lýsingu og almennt öryggi í umferð og umhverfi. Um morguninn hafði verið komið fyrir áminningu um að aka varlega þegar komið var inn á staðinn, settir viðvörunarborðar um brunn og skurð í næsta nágrenni. Um kvöldið var haldið málþing um umhverfismál á Hvanneyri undir heitinu Hvað er Hvanneyri? þar sem farið var í að skapa jákvæðar umræður um staðinn og framtíð hans. Þar voru samankomnir íbúar, nemendur, helstu hagsmunaaðilar og ráðamenn. Þetta var gott og þarft málþing og mun áreiðanlega verða til þess að þessi frábæri staður sem við búum á hérna verði ennþá frábærri:)
Í kvöld verður svo kynnt breytt deiliskipulag. Það verður spennandi að sjá hvort það muni verða í þeim anda sem sveif svo skemmtilega yfir í gær.

Fiskar án þunglyndis - ný framtíð
Jæja, það er helst að frétta af fiskunum að ættmóðirin sem var búin að eignast seiði löngu eftir að kallinn lést eignaðist seiði í síðustu viku aftur. Þessi undrafiskur er sem sagt þeim hæfileikum gæddur að eignast seiði eingetin eða þá að geyma sæði til betri tíma. Eftir að ég tók seiðin frá henni og setti þau í seiðabúrið (sem er stærra og flottara) þá horfði hún á mig með þessum þorsksvip sem náttúrulega bræddi mig og við skildum hvor aðra. Henni leiddist að vera ein í búri sem sagt. Þá lét ég einn snigil og 3 stór seiði sem eru víst ekki seiði lengur í búrið til hennar ásamt slurk af geðlyfinu hennar (aloa vera seyði) og viti menn hún hefur ekki verið svona hamingjusöm síðan hún var lítið skítseiði sjálf í stórum ástríkum systkinahópi. Nú er allt fallið í ljúfalöð í fiskabúrunum tveimur og fiskarnir sem nú eru orðnir um 15 biðja kærlega að heilsa út í hinn stóra heim fyrir utan þeirra litla heim í glerbúrunum...

over and out

2006-04-19T08:06:00.000Z

Back to reality...

Þá er skólinn aftur byrjaður þrátt fyrir að páskafríið hafi rétt verið að byrja. Var að vinna í viðarnýtingu næstum alla páskana sem var mjög hressandi. Jana megapæja og dugnaðarforkur kom og hjálpaði sem og Nonni bróðir. Takk:) Enda varð árangurinn eftir því (sjá mynd).

Fór út að hjóla í morgun og þegar ég kom út á veg þá sá ég hvíta þúst á nærliggjandi túni, svo þegar ég kom nær sá ég augu og trýni. Þetta var sem sagt lítill, hvítur rebbalingur sem var að reyna að "fela sig" í fölgulu túni. Ekki alveg að virka hjá greyinu...:) Svo þegar hann sá að ég vissi af honum þá hljóp hann í burtu. Algjört krútt. Því miður náði ég ekki að taka mynd af honum en tók mynd af einni grárri sætri meri í næsta nágrenni.

2006-04-13T00:50:00.000Z

Sjálfboðaliðar velkomnir í...

...skógarvinnu í Flóanum um páskana:) Boðið uppá rauðvín og bjór í staðinn eftir vinnudag!!!

Það var sem sagt verið að grisja skóginn heima í Flóa. Var búin að gera mér grein fyrir því að ég gerði mér ekki grein fyrir því hvað þetta er mikið af timbri:) En eftir að hafa gengið um skóginn í dag þá já þetta er mjöög mikið svo ef einhver stefnir í að láta sér leiðast um páskana en langar að gera eitthvað annað meira hressandi og gefandi þá endilega hafið samband:)

2006-04-09T03:12:00.001Z

Komnar myndir...

Það eru komnar myndir úr skíðaferðinni norður.

Um þarsíðustu helgi fóru meðlimir úr Útivistarklúbbnum á Hvanneyri með í fjölskylduferð á Langjökul á vegum Bjsv.Brákar. Það var ekkert smá fjör. Fyrst var farið upp á Geitlandsjökul þar sem stórir og smáir fengu að láta draga sig aftan í vélsleða. Svo var skíðað og sleðað niður Geitlandsjökulinn og farið í íshellana þar sem var grillað. Svo fór hluti hópsins áleiðis í Þursaborg en hinir fóru uppá Hábungu og sumir renndu sér niður 5,8km langa brekku. Eftir þessa frábæru ferð skellti ég mér í frábært frænkupartí í Grímsnesi. Myndir...

Um síðustu helgi héldum við sem ætlum í námsferð í sumar grímuball á Indriðastöðum. Það var baara fjör. Myndir...
Daginn eftir fórum við Björk, Sunna og Bái í heimsókn að bænum Háafelli í Hvítársíðu. Þar er nokkuð stórt geitabú og oh mæ god hvað ég væri til í að vera geitabóndi, GEITUR ERU ÆÐI! Þar ægði saman allskyns dýrum og þetta var algjört ævintýri að koma þarna og geiturnar eru algjörar kelirófur. Myndir...

Nóg um það... veit einhver hvernig maður fær færslurnar til að vera samhliða listunum til hægri á skjánum???

2006-04-06T00:50:00.000Z

Góðum hlutum seinkar ofan á að vera seinir...

...því einhverra hluta vegna liggur myndasíðan niðri sem stendur en með jákvæðum hugsunum hlýtur hún að lifna við bráðlega:) En þess í stað set ég hér smá sýnishorn í staðinn.

2006-04-03T20:58:00.000Z

Góðir hlutir gerast seint...

...en það er alveg að fara að koma fullt af myndum inná myndasíðuna og hugsanlega smá blogg;) Vísbendingar: íshellar - Kermit froskur - geit.

...over and out!!!

2006-03-20T21:47:00.000Z

Norðurland rokkar feitt

Slökkviliðspartí aldarinnar
Þá er komið að ferðasögu sveitavargsins á Norðurland oh yeah baby!!! Norður fékk ég far með Lilju og Vagga á fimmtudaginn sem auðvitað var gaman enda sómafólk:) Svo þegar við vorum að nálgast Akureyri hringdi ég í Kristínu Kötlu sem tilkynnti mér það að við yrðum að flýta okkur því leið okkar lægi í slökkviliðsmannapartý. Þetta var náttúrulega sjokk fyrir kvenkyns Hvanneyringsvarg sem sér aðallega kvenkyns verur dags daglega. Þarna fórum við sem sagt fjórar í partí í fullt hús af karlmönnum. Það var auðvitað bara eitt að gera í stöðunni og það var að byrja aftur að drekka enda 40 daga áfengisbannið löngu runnið á enda:) Svo var dælt í okkur áfenginu með stórri slöngu sem dældi vel 4 lítra á klukkutímann (örlitlar ýkjur). En við komum ekki heim fyrren hálffjögur um nóttina eftir frekar ódýrt og skemmtilegt skrall...

Þynnka í lausum hæl með stæl
Megnið af föstudeginum fór í þynnku og líka að ná í bílaleigubílinn hennar Kötlu sem reyndist vera lítill kassabíll sem þurfti að ýta upp brekkur en varð sjálfrennireið niður brekkur. Eftir einn sveittan borgara á Greifanum fórum við að rúnta um Akureyri. Um sjöleytið kom svo fríður flokkur manna og kvenna, aðallega kvenna af Hvanneyri og úr Borgarnesi... Og var ákveðið að skella sér upp í Hlíðarfjall til þess að fylgjast með atburði á Telemarkfestivalinu: stökkkeppninni miklu. Reyndar komum við svolítið seint en það var mjög gaman að fylgjast með öllum ótrúlega góðu telemörkurunum sem þeystu niður brekkurnar í lausum hæl með stæl...
Svo gáfum við skít í Akureyri sem átti enga gistingu fyrir okkur, þetta frábæra fólk...hnus og skelltum okkur í gósenvíkina Dalvík. Við gistum flest (5) báðar næturnar í skíðaskálanum á Dalvík en nokkrar (4) á Akureyri. Á föstudagskvöldinu kíktum við á aðalpleisið á Dalvík, Bakarann, sem kom bara nokkuð skemmtilega á óvart. Þarna fengum við forsmekk að tónlistarsmekk norðanmanna: Sylvía Nótt og Ruslana eru í hávegum hafðar... Sitt sýnist hverjum um það!

Hvanneyri og Borgarnes hertaka skíðasvæði Dalvíkinga
Á Dalvík áttum við ekki bara skíðaskálann fyrir okkur heldur líka lyftuna, fjallið og loftið og 7 metrar úr húsinu í lyftuna, þvílík hamingja. Reyndar þá var ekkert brjálæðislega mikill snjór en alveg nóg samt. Það var líka geggjað gott veður mestallan tímann og undur og stórmerki gerðust þegar ég náði Telemarka smá án þess að líta út eins og fótalaus rækja á svelli. Svo var gerður stökkpallur og jafnvel vargurinn skellti sér nokkrar ferðir sem reyndar enduðu svo flestar í misfallegum stellingum á rassinum eða andlitinu:) En þetta var ógeðslega gaman og hópurinn alveg frábær. Eftir að hafa haft hamskipti í sundlauginni í Þelamörk skelltum við okkur á tjúttið á Akureyri þar sem var nú heldur betri "fiskmarkaður" en á Kollubar :) Héldum aðallega til á Kaffi Amor þar sem við héldum áfram að hlusta á Ruslönu og Sylvíu Nótt... Frekar einhæfur tónlistarsmekkur þarna nyrðra... Þarna voru margir telemarkarar og einn þeirra vildi ólmur fá að sjá Team Hvanneyri á næsta ári... Hmm, sjáum nú til með það! Það væri nú gaman að sjá það, kannski hægt að hafa "fagurleika við fall"-keppni:) mohoho

Þriðja skíðasvæðið tekið í nefið
Já þegar fólk bregður sér Norður þá er nú ekki hægt að láta nægja bara Akureyri og Dalvík heldur á sunnudeginum skelltum við okkur líka í Tindastól, skíðasvæði Sauðkræklinga. En þar var frekar mikið harðfenni en samt mjöög frískandi. Svo var brunað heim á Vesturland með bros allan hringinn og langt upp á enni eftir frábæra helgi:)

Þá fer maður bara að láta sig hlakka til næstu helgi þar sem stefnan er tekin á skíði á Langjökli og í frænkupartí.

2006-03-14T22:08:00.002Z

Ísklifur í túnfætinum

Undanfarnar vikur eru búnar að vera fullar af lærdómi en líka smá skemmtun inná milli. Um síðustu helgi fórum við Lilja, Ásgeir og Árni eldsnemma morguns að kíkja á ísfossa hér rétt hjá, nánar tiltekið við bæinn Skeljabrekku. Viti menn, ísinn var alveg brilliant og tilvalinn til æfinga. Við klöngruðumst upp gil og settum upp tryggingu fyrir ofan fossinn þar sem við svo æfðum okkur í ísklifri. Fossinn reyndist vera 25 metra hár og var hann ágætisáskorun miðað við fremur slakt ísklifurform... Lilja og Árni voru að ísklifra í fyrsta skipti og stóðu sig mjög vel:) Alveg frábær "fyrir hádegi á prófatíma"-ferð... Ásgeir og vinir hans höfðu verið að massa og bóna bíla fram eftir kvöldi og hann var því fyrir ofan við tryggingarstörf. Svo tók hann bílinn minn og fór með hann í mössun og bón án þess að ég fengi nokkuð um ráðið og ég fæ að borga í bjór og dietkóki. Vá hvað bíllinn minn er orðinn flottur núna, hann er meira að segja rauðsanseraður:) Ég er búin að gera við hjólið mitt og nota það mikið svo ég óhreinki ekki fína, hreina bílinn minn...

Wannabe telemarkari

Í dag fórum við Lilja, Anna Lóa og Siggi Frigg á skíði í Bláfjöll. Komum þegar verið var að loka stólalyftunni og þurftum því ekki að borga en gátum samt farið á skíði:) Ótrúlega sniðugir námsmenn... Ég var náttúrulega á telemarkskíðunum mínum en er ekki alveg farin að geta telemarkað í "bröttum brekkum" ennþá og er orðin PÍNU PIRRUÐ. Ég hef það þó til afsökunar að ég ólst uppá mesta flatlendi á Íslandi og áður en ég fékk löngu, velrenni telemarkskíðin mín kunni ég bara að plóga smá og ég er ekki búin að æfa mig nóg! Sem betur fer er skíðaferð um næstu helgi með útivistarklúbbnum á Hvanneyri. Farið verður norður og skíðað fram af sér beizlinu og jafnvel hnakknum líka... Ég skal geta telemarkað hvað sem það kostar....

Ef einhvern langar til þess að sjá skólablaðið á LBHÍ þá er það á netformi hérna
Hér eru tvær myndir frá Lilju af ísklifrinu:

2006-03-09T15:46:00.000Z

Næstum kominn tími til að sannkristnast

Próf próf próf, það eru alltaf próf... eða alveg 4x á ári, er það nú alveg norm? Dýrafræði hryggleysingja í gær og lífræn efnafræði í dag og svo mat á umhverfisáhrifum á mánudag... Svo á þriðjudaginn hefst ný önn, nýir áfangar og nýtt líf, jibbí!
Svo fékk ég vinnu í gær. Í sumar verð ég að vinna hjá Landgræðslunni í Gunnarsholti við ýmis störf. Það finnst mér alveg frábært því þá get ég verið heima að stússa allt sem þarf að gera þar, ferðast á eigin forsendum, ásamt því að njóta samvista vina og fjölskyldu. Auðvitað mun fylgja tregi og söknuður því að vera ekki að guida í sumar en fyrst er að setja stóru steinana í krukkuna, svo smásteinana og sandinn síðast...

Í Póstinum (auglýsingablað á Vesturlandi) rakst ég á auglýsingu sem mér fannst brjálæðislega fyndin og næstum því snerist til sannkristni:
Fermingarstarf:
Fótboltakappleikur á Merkurtúni nk.mánudag, kl.16

Sóknarprestur og valdir samherjar á móti fermingarbörnum.
Lið sóknarprests:
Markvörður: Indriði útfararstjóri.
Framherji: Sveinn Arnar, organisti.
Varnarmaður: Þórný kirkjuvörður.
Sjúkraliði: Magnea G. Sigurðardóttir.
Dómari: Helga S. Ásgeirsdóttir

Leiknum verður ekki sjónvarpað!

Svo heyrði ég af honum Flóka presti hér á staðnum að skylmast við krakkana á Hvanneyri sem fannst það alveg stórkostlegt. Já, það skyldi þó ekki vera að kirkjunnar fólk sé að reyna að nálgast börnin á þeirra forsendum...?

2006-03-05T19:32:00.000Z

Sunnudagshugvekja

í grendinni veit ég um vin sem ég á
í víðáttu stórborgarinnar
en dagarnir æða mér óðfluga frá
og árin án vitundar minnar

og yfir til vinarins aldrei ég fer
enda í kappi við tímann
sjálfsagt þó veit hann ég vinur hans er
því viðtöl við áttum í símann

en yngri vorum við vinirnir þá
af vinnuni þreyttir nú erum
hégómans takmari hugðumst við ná
og hóflausan lífróður rérum

"ég hringi á morgun" ég hugsaði þá
svo hug minn fái hann skilið
en morgundagurinn endaði á
að ennþá jókst milli okkar bilið

dapurleg skilaboð dag einn ég fékk
að dáinn sé vinurinn kæri
ég óskaði þess er að gröf hans ég gekk
að í grenndinni ennþá hann væri

sjálfur ef þú átt góðan í grennd
gleymd ekki hvað sem á dynur
að albesta sending af himnunum send
er sannur og einlægur vinur

2006-03-04T20:51:00.002Z

Gallagall og labbilabb...

...já, ekki er öll íslenskan eins! Alda granni var að kenna mér smá skagfirsku svo að ég skilji hana betur í daglegu máli:) Og af því að ég á frekar að vera að læra ógeðslega mikið fyrir próf þá fannst mér alveg tilvalið að deila þessu með öðrum.

Girðingarlykkjur heita heima hjá henni sinklar.
Þegar maður kallar á skagfirska heimalninga segir maður labbilabb (?) í stað kibbakibb... Þegar maður kallar á skagfirska kálfa segir maður galligall í stað kusakus. Svo heitir borðtuska bekkrýja. Svo heita bjúgu ekki bjúgu heldur sperðlar. Þetta finnst mér alveg yfirmáta merkilegt...:)

Annars er ég auðvitað búin að vera á fullu að læra í dag fyrir utan smá ferð í Borgó og 1 og 1/2 klst af körfubolta sem var þvííílíkt hressandi. Það er líka svo smart að vera allur út í marblettum og rispum.
Framundan er massaæfing á morgun hjá Bjsv.Brák og prófavika úffpúff og reyndar líka að fá að passa köttinn hennar Helgu Magg:)...

Spakmæli dagsins: Fjöldi fólks glatar hlut sínum í hamingjunni. Ekki vegna þess að það hafi aldrei fundið hana, heldur vegna þess að það nam aldrei staðar til að njóta hennar. William Feather

2006-02-27T22:53:00.000Z

Dagurinn í dag...

...byrjaði á því að ég fór í fjósið fyrir allar aldir með Elínu fjósakonu. Var búin að fara einu sinni áður í "starfskynningu" með Hrafnhildi og Ragnari. Þar lýsti ég yfir áhuga á að fá að mjólka aftur og það gerðist sem sagt í dag. Það er alltaf jafn dásamlegt að finna fjósalyktina streyma um vitin og draga þann dásemdarvökva mjólkina úr þeim yndisskepnum blessuðum kúnum. Ekki skemmdi fyrir að kötturinn Rjómi fór á kostum. Við það þegar mjaltirnar voru að hefjast þá sat kauði skælbrosandi í fötunni þar sem skítugu tuskurnar fara, alveg þangað til að honum fannst full mikið komið af ógeðstuskum. Þá flutti hann sig í vaskinn og fór að þvo sér... Þetta er brosmildasti köttur í heimi og eini kötturinn sem ég hef séð slefa...haha

Í dag fluttum við kynningu á frummatskýrslu í Mati á umhverfisáhrifum á efnisnámi úr árfarvegi fyrir austan. Alls 8 hópar fluttu sama verkefni í undanförnum tímum. Hljómar leiðinlegt? Já, en allir fengu hlutverk hinna ýmsu aðila og áttu að spyrja um hitt og þetta sem gerði þetta mjög líflegt.

Í hádeginu var fundur um utanlandsferð. Já, ég er sem sagt að fara í ferð til norðurlandana með 2.ári í búvísindum og skógfræði í ágúst.
Eftir fyrirlestur í Dýrafræði hryggleysingja þurftum við að greina í sundur pöddur. Af hverju geta pöddur ekki bara verið pöddur!
Eftir það fór ég með Önnu Sif að aðstoða í ótrúlega skemmtilegu verkefni. Fór reyndar með Braga fyrir stuttu í sömu erindagjörðum. Fæ kannski að birta myndir af þessu hjá þeim.

Er búin að vera að spá í því að gera eitthvað annað en að guida í sumar. Prófa það amk og eiga kannski smá tíma fyrir vini og fjölskyldu og ferðast upp á eigin spýtur... Hvað af verður veit nú enginn.... og heldur ekki ég...

Spakmæli dagins: Hlustaðu 1000 sinnum, hugsaðu 100 sinnum en talaðu aðeins einu sinni! Kínverskt spakmæli

2006-02-25T22:40:00.000Z

Undanfarnir dagar hafa verið þvílíkt fallegir, set bara inn myndir. Tvær fyrstu eru frá í gær og síðasta af Hafnarfjalli í dag (Hvanneyri til hægri). Það er bannað að taka þessar myndir án míns leyfis!

2006-02-20T17:20:00.000Z

Hvanneyri að vakna

2006-02-15T01:05:00.000Z

Allt er þegar fernt er...

Fjögur störf sem ég hef gegnt:
-Þjónn og barþjónn á ýmsum hótelum og veitingastöðum
-Skúringarkona í Hegningarhúsinu
-Háseti á línubát í Barentshafinu
Svarti bletturinn: -Flokka og pakka grænmeti í Ástralíu, var ólögleg, laug (um að ég væri með vinnuvísa), var rekin á einum staðnum ásamt 5 öðrum fyrir að mæta ekki í vinnuna einn morguninn svo vorum við grátbeðin um að koma aftur 2 dögum seinna...

Fjórar kvikmyndir sem ég get horft á aftur og aftur:
-Stella í orlofi
-Svartur köttur, hvítur köttur
-Monsoon Wedding
-Touching the void

Fjórir staðir sem ég hef búið á:
-Flóinn (það er bara einn Flói með stóru effi)
-Estremoz í Portúgal
-Öksfjord í Norður Noregi
-Tvind, Ulfborg í Danmörku

Fjórir sjónvarpsþættir sem ég dýrka að horfa á:
-Fréttirnar á RÚV (borgar sig ekki að reyna að tala við mig á meðan)
-Sex and the city
-Náttúrulífsþættir með David Attenborough
-Smack the pony (reyndar horfnir af skjánum núna)

Fjórar vefsíður sem ég heimsæki daglega:
www.yahoo.com
www.slbh.is
www.vefpostur.is
www.skoli.is

Fjórir af uppáhaldsréttum/mat
-Chicken quesadilla á Ruby Tuesday
-Pato com arroz eða steikt önd í hrísgrjónum með chorico pylsu yfir
-Sunnudagslambalærið hennar mömmu með nýuppteknum kartöflum og rabbasultu
-Plokkfiskur eins og matráðskonan úr barnaskóla Ólöf í Hrygg býr til og enginn getur gert eins

Fjórir staðir sem ég hef komið á í fríum
-Mozambique - fallegt land og dásamlegt fólk
-Viktoríufossarnir á mörkum Zimbabwe og Zambíu - stórkostlegur staður
-Full moon party á Koh pan Ghan í Thailandi - stærsta og leiðinlegasta partí ever
-Skaftafell - oft borgar sig ekki að leita langt yfir skammt...

Fjórar bækur sem ég les oft
-General, organic and biochemistry (uppáhaldið núna)
-Íslenskur fuglavísir
-Íslands handbókin
-Íslensk fjöll

Fjórir staðir sem ég vildi frekar vera á núna:
-Í fjallakofa í góðra vina hópi, með kerti, spil og góðan svefnpoka
-Í miðjum Amazon regnskógunum í mjög þéttu flugnaneti
-Í langri gönguferð í Himalayafjöllunum í Nepal
-Á Galapagoseyjum að skoða allt það skrítna sem finnst þar

Og þeir fjórir sem ég ætla að skora á að gera svona vitleysu eru: Helga Magg, Ranka, Inga Rúna og svo bara þeir sem vilja...

2006-02-15T01:04:00.000Z

Eldur úr eyrum

Alveg dagsatt!!! Það er sko málið að það er búið að vera að ganga á milli manna svona ecco cones stönglar sem notaðir hafa verið af indjánum til að hreinsa á sér eyrun. Actually hreinsa út úr eyrunum í stað þess að troða inní með eyrnapinna þau eins og við gerum stundum... Þetta er sem sagt búið að ganga á milli manna vegna þess að enginn hefur verið svo vitlaus að prófa þetta þangað til í kvöld.
Framkvæmdaraðili var Alda nágranni sem framkvæmdi þessa miklu aðgerð á eyrunum á mér í kvöld til að kanna hvort þau væru full af skít þrátt fyrir samviskusamlega unnin eyrnapinnastörf í gegnum tíðina.
Gjörningurinn fer þannig fram að fórnarlambið leggst á hliðina á meðan gjörningamaðurinn setur svona hólk úr líni og vaxi í eyrað og kveikir í... Svo logar þessi fallegi logi og gjörningamaðurinn þarf svo að klippa alltaf fyrir ofan eldinn svo það detti ekki aska. Í lokinn er svo fullt af gömlum mergi (rímar við:af gömlu bergi brotinn) kominn í hólkinn. Þetta var mjög fyndið, örugglega svínvirkaði og hárið á mér sviðnaði eiginlega ekkert...:) Heill sé indjánum!!! Úgg!

2006-02-13T12:02:00.000Z

Dómnefndin þakkar þátttakendum í keppninni...

...um að vera gestur númer 8000 kærlega fyrir þátttökuna og drengilega keppni. Keppendur sýndu mikla sanngirni og sterkan jákvæðan keppnisanda. Niðurstöður liggja ljósar fyrir: í fyrsta sæti númer 8000 er Sigrún staðarbúi sem hlýtur að launum leiðsagða ferð um Hvanneyri með staðarbúa að eigin vali. Í öðru sæti númer 7999 var Davíð og í þriðja sæti númer 7998 var Ásgeir og hljóta þeir báðir í viðurkenningarskyni leiðsagða ferð í fjósið með staðarbúa að eigin vali. Keppninni er hér með lokið!

Alvarlegt fjölskylduástand

Sem áður hefur verið rætt um hefur fiskunum í fiskabúrinu fjölgað mjög en enn hefur fiskamóðirin ekki fengið að umgangast börn sín. Fiskinum Guðrúnu hefur verið haldið aðskildri frá seiðunum frá því þau fæddust vegna mikils fæðingarþunglyndis. Þetta ástand hennar hefur m.a. lýst sér í því að hún sækir mikið í að ofsækja seiðin sín og fisksins GB, kalla þau ýmsum ljótum nöfnum eins og blúbbi, marhnútur og skítseiði og ýmislegt fleira óprenthæft. Jafnvel hefur borið á því að hún hafi reynt að éta börnin sín sem sýnir afar slæmt andlegt ástand hennar. Tilraunir hafa verið gerðar í því skyni að leyfa henni að kynnast þeim betur og sjá hlutina frá þeirra sjónarmiði ásamt róandi lyfjagjöf. Þetta hefur ekki borið tilætlaðan árangur og óvíst er hvaða áhrif þetta hefur um sjálfsmat seiðanna. Fjölskyldan er þó bjartsýn á framtíðina og heldur í vonina um bætt ástand...

2006-02-12T19:15:00.000Z

Brátt gerist sá merki atburður að bloggið nær 8000ustu heimsókninni. Sá heimsóknargestur sem verður númer 8000 fær í verðlaun leiðsögn um Hvanneyri með staðarbúa að eigin vali...

2006-02-12T19:09:00.000Z

Ef...
...blettatígrar eru bleikir með hvítar, bláar og gular skellur hér og þar þá er ég blettatígur. Er búin að vera undanfarna daga að hjálpa mömmu að mála veggi og flytja búslóð ásamt mörgum öðrum. Merkilegt hvað það eru margir harðsperruhæfir vöðvar á mannslíkamanum. En kellan er nú flutt á Selfoss eftir 30 ára búsetu heima í sveit og Nonni bróðir og fjölskylda eru svo að flytja þangað. Verð nú að viðurkenna að það var nú hálf undarlegt að standa í hálftómu húsinu heima eða ekki heima...

Ég tek ofan fyrir bóndanum í Skipanesi í Borgarfirði sem lagði stórum traktór fyrir ljósleiðaralínuframkvæmd Orkuveitu Reykjavíkur. Það gerði hann vegna þess að þeir voru að fara yfir landið hans án þess að vissa um réttlæti þess lægi ljóst fyrir. Þessi tautar nú ekki bara með hor í nös í moldarkofa hugans heldur mótmælir að frönskum sið... Vive le protestant!!!

2006-02-06T13:48:00.000Z

Nýtt eurovisionlag..

Helgin var bara sérdeilis ágæt, fór á Fræðaþing landbúnaðarins á fös sem var afar fræðandi og stóð þar í mínum huga efstur sem fróðlegasti fyrirlesturinn, fyrirlestur um álaveiði og álaeldi. Vissuð þið það að hér við Ísland eru til álar sem dvelja bara í saltvatni, að hingað til Íslands koma næstum því bara hryngnur, svo eru nær bara hængar í s-hluta Evrópu. Hrygnurnar eru líka mun stærri en hængarnir. Þetta er alveg eins og mannfólkið. Lágvöxnu spanjólarnir sækja nú einmitt mikið í hávöxnu íslenskurnar.

Um helgina var hið mjögsvosótta innflutningspartí í Álfhól hjá álfadrottningunni Guðrúnu og álfakónginum Valda. Þar var mikið samansafn af hressum Hvanneyringum. Svo fór ég í afmæli til Elísu þýsku á efri hæðinni kvöldið eftir þar sem voru allskyns gómsætar lífrænar þýskar veitingar, meira að segja lífrænir hlaupkallar.
Til mjög svo skemmtilegrar nýbreytni leit lærdómurinn við heillengi þessa helgi og er honum tekið með fagnandi huga og jákvæðni...:)

Já og svo má ekki gleyma nú er tekin stefnan á heimsfrægð í eurovision um helgina. Ég samdi nýtt eurovisionlag. Að vísu bara nýjan eurovisiontexta við mjög gamalt lag en það er svo gamalt að allir hljóta að vera búnir að gleyma því... Það hét áður Upp upp... en heitir núna Drekktu bjór!

Vers 1
Drekk - drekk - drekktu bjór, drekktu mikinn bjór, ef þú drekkur svona mikið þá verðuru bráðum stór!

Vers 2
Drekk - drekk - drekktu bjór, drekktu mikinn bjór, (sungið mjög hratt) en kannski færðu bara niðurgang og þynnku, (sungið venjulega) eftir svona þjór!

Það á örugglega eftir að fá harða samkeppni frá Sylvíu Nótt því bakraddirnar eru ekki af verri endanum: Madonna, Bono og Britney Spears en enn vantar flytjanda lagsins... Einhver sem býður sig fram?

2006-01-31T21:45:00.000Z

Það eru komnar nýjar myndir...

...inná myndasíðuna mína. Þar kennir ýmissa grasa t.d. úr Laufskálaréttum, hellaferð á Snæfellsnes, Hveravallaferð og svo náttúrulega Noregsferðinni.

Rósum rignir aldrei af himnum ofan. Ef þú vilt fleiri rósir en til eru verður þú að gróðursetja fleiri rósarunna.

-Georgia Elliot

2006-01-31T00:13:00.000Z

Það getur nú ekki verið...

...að maður sé orðinn fullorðinn þegar manni finnst eftirfarandi ekki gott: súr sviðasulta, hákarl, súrir púngar, súrt slátur, súr hvalur (hrollur), kindaaugu, lifur, koníak og wiskey. Reyndar er svínasulta og sviðasulta ekki svo slæmt ósýrt og kannski eru það fyrstu merki fullorðinsáranna að smakka á einhverjum svona furðumat... Damn verður maður ekki ungur að eilífu! En það má nú segja það að ég er nú alveg farin að skilja af hverju lífaldurinn var svona lágur hérna á Íslandi fram eftir öldum. Ég hefði örugglega líka svelt mig í hel...

Annars fórum við nokkrar héðan á Nornakvöld hjá Liljunni í kvöld sem var afar skemmtilegt. Þarna höfðu tekið sig saman fullt af fólki með ýmsa hæfileika s.s. cranio, heilarar, sjáandi, bolla- og tarotlesarar og voru að kynna sína hæfileika. Svo fengu gestir að fara til þeirra í 10 mín. Mjög gróskumikið starf sem þarna er unnið á andlega sviðinu enda var troðfullt hús. Þvílík orka samankomin í þessu húsi.

Já, svo er ég að spá í að athuga hvort hún Alda Laufey vilji ekki vera matráðskona hérna hjá mér. Hún býr til ógó góðan mat, namm!

Ætlar enginn að gubba yfir nýju litina á blogginu?

2006-01-27T16:11:00.000Z

Loksins loksins...

...veit ég hvernig sniglarnir mínir líta út að innan og þarf ekki að framkvæma skurðaðgerð á þeim til þess að komast að því. Ég var sem sagt að læra um snigla í dýrafræði hryggleysingja áðan.
Kennarinn hann Björn sem ég hef vitnað í áður er algjör snillingur. Ég er búin að læra hjá honum að:
-Ef maður ætlar að borða ánamaðka er líklega betra að hafa þá á meyru fæði fyrir slátrun svo þeir verði ekki sendnir mjög.
-Það er áhættusamur lífsmáti að vera sníkjudýr og litlar líkur á því að lifa af. Þess vegna þurfa þau að hafa mikla viðkomu (sem sagt að stunda kynlíf eins mikið og þau geta).

Annars var ég að breyta litunum og stafastærðinni á blogginu mínu því hitt var orðið soldið slappt. Þetta er kannski ekkert smárra:) Tja, amk er sumt af letrinu orðið hæft fyrir sjóndapra alveg óvart. Ekki það að sjóndaprir eru líka velkomnir á síðuna. Aðalliturinn heitir Sandybrown svo það er komið svona meira svona beach þema í bloggið...

2006-01-25T02:18:00.000Z

Hver fann eiginlega upp kaffi?

Eftir kaffihlé drakk ég alltof mikið af kaffi í dag til að halda mér vakandi og núna get ég ekki sofnað... Bætti inn myndum á myndasíðuna ef einhver hefur ekkert að gera:)

Helgin var frábær á sinn einstaka hátt, Alda bjó til kyngimagnaða pizzu og við horfðum á Eurovision með Oddu. Ég vil að Ómar Ragnarson vinni, hann er náttúrulega náttúruhetja og flautaði líka ekkert smá vel uppi á sviði. Það er nú ekki heldur eins og margir hafi flautað uppi á sviði í Eurovision.. Kjósum Ómar, hann er rokkari og hann á það skilið!

Farið var líka á laugardagskvöldinu í Mission Hvanneyri - björgum ruslagámunum áður en bílarnir fjúka á þá. Við Vaggi og Lilja földum þá fyrir bílunum bakvið stiga svo þeir myndu ekki eyðileggjast. Svo hringdi Heiða og þá var hjá henni gömul vinkona sem ég hafði ekki hitt í 15-18 ár. Við vorum ekki alveg vissar hvað það var langt síðan. Það var ótrúlega skemmtilegt að hitta hana aftur:) Þar var svo singstar sem lifði í til um hálffimm...

Á sunnudeginum var svo björgunarsveitarþema. Farið var á milli veðurhryðja undir Borgarfjarðarbrúnna til þess að festa ljósleiðara. Tveir að festa og við hin á öryggisbátum, ágætis ölduhæð og dásamlegt finna pusa yfir bátinn. Um kvöldið var svo farið í línuvinnu, kominn tími til að rifja svoleiðis upp...

Já, hérna kemur eitthver staðreyndaklukkleikur sem ég svaraði aldrei en ætla að gera núna af því ég get ekki sofið... Set bara leyninafnið mitt á það svo það fattist ekki að þetta sé um mig.

5 staðreyndir um Hal Animal
1. Hal er yfir dvergastuðli!
2. Hal borðaði fiskiflugur þegar hún var lítil, sem útskýrir margt!
3. Hal er kókómjólkurfíkill!
4. Hal borðar ekki soðnar rúsínur!
5. Hal er VÍST tvítug og meira að segja búin að vera það í mörg ár!
Okey enginn verður píndur til að gera hið sama en endilega skrifið samt 5 staðreyndir um ykkur c",)

2006-01-23T15:53:00.000Z

Á þessarri vefslóð má sjá og heyra frábæra íslandkynningu hjá honum Quentin Tarantino í spjallþætti í Bandaríkin sem heitir Late Show with Conan O'Brien. Við getum verið svo stolt af því að vera við...

Quentin ofsaspenntur fyrir Íslandi...

2006-01-21T18:28:00.000Z

A fish called Valdi

Það er undarlegt að vera heila helgi á Hvanneyri. Stefnan var að læra og læra, og hvað gerist? Tja, ég er að standa mig mjög vel í áramótaheitunum (hefði sennilegast átt að bæta lærdómi inní). En ég er allavegana að rækta vini og fjölskyldu, búin að hringja, skrifa póstkort, fara í heimsóknir, skrifa emil, bjóða í mat, fara á barinn á Hvanneyri í pílukast með nokkrum hressum félögum. Entist ekki mjög lengi eða til kl.2. Svo átti að fara að draga mig í meira partístand kl.5 en þá var mig að dreyma svo mikið að ég var ófáanleg á fætur fyrir utan það að það var bara eiginlega komin nótt...hmmm
Reyndar er ég ekki alveg að fara eftir því að taka ekki til í íbúðinni minni, eitthvað sem ég hélt að myndi ganga best að standa við. Þetta gæti hugsanlega kallast síðbúin jólahreingerning eða sjúkdómurinn: lærdómsfóbía með takarosalegaveltil áráttueinkennum en allavegana þá má fara að heimsækja mig aftur eftir þetta rassíu en bannið hefur staðið yfir síðan í byrjun desember.

En það er helst í fréttum að gúbbífiskarnir sem voru mest þrír hér í byrjun desember eru núna orðnir 12 þar af 11 seiði þegar ég hélt að þeir væru allir að fara að drepast og væru bara sniglar eftir (auðveldara að hugsa um þá). Sko málið er að fiskurinn GB eignaðist 5 seiði í desember svo drapst hún fljótlega. Fiskurinn Valdi og fiskurinn Guðrún voru þá eftir. Svo drapst fiskurinn Valdi löngu fyrir jól og viti menn núna á nýja árinu bætti svo fiskurinn Guðrún við 6 seiðum í viðbót. Annað hvort ganga gúbbífiskar lengi með seiðin sín eða þá að heilagur fiskur (kannski fiskurinn Valdi) er líklegast faðirinn. Hvernig sem á þetta er litið er þetta hið undarlegasta mál allt saman...

Já og það er komin líkamsræktarstöð á Hvanneyri... jibbííí... Nú eru allir rosakátir og eru farnir að hreyfast á fullu og af krafti í þokkabót.

Já og svo er hið stórkostlega Þorrablót í Þingborg um næstu helgi og það verður væntanlega baaaara fjör, alvöru stemning. Þar verður kjamsað á hákarli og súrum pungum fram eftir nóttu við undirspili hljómsveitarinnar. Síðustu forvöð að panta miða á morgun...
Over and out

2006-01-19T16:24:00.000Z

Hafið í huga hvers kyns heilladísir eru...

Heilladísin sagði við gift par : Þar sem þið hafi verið hamingjusamlega gift í 35 ár ætla ég að veita ykkur hvoru eina ósk.
Eiginkonan sagði: Ég vil fara í heimsreisu ásamt mínum ástkæra eiginmanni. Heilladísin veifaði sprotanum sínum og AKABRADABRA það birtust tveir farseðlar með það sama.

Nú var komið að manninum og hann hugsaði sig um í smá tíma og sagði svo , tja þetta er nú rómantísk stund en svona tækifæri gefst bara einu sinni á æfinni,............. því miður mín kæra, mín ósk er að eiga konu sem er 30 árum yngri en ég. Konan varð að vonum skúffuð en ósk er ósk.
Heilladísin veifaði töfrasprotanum.......................og AKABRADABRA..........
maðurinn varð 90 ára með það sama.

Lesist með indverskum hreim

Það var einu sinni maður sem fór til að kaupa sér skó. Hann gekk niður Laugaveginn og fann
þar skóbúð sem hann hafði aldrei séð áður. Þegar inn var komið tók á móti honum Indverji,
sem var klæddur í týpíska indverska múnderningu, kuflinn og allt.
Indverjinn segir: "Góður dagur"
"Góðan dag" svarar maðurinn, "ég er kominn til að kaupa kuldaskó"
"Nei, nei, þú kaupa sandalur " segir indverjinn.
"Nei, hva það er að koma vetur, ég hef ekkert vid sandala að gera, mig vantar kuldaskó"
endurtekur maðurinn.
"Þú vantar sandalur, sandalur gera þig graður" segir Indverjinn og hneigir sig.
"Gera sandalar mig graðan?" hváir madurinn.
"Já" segir Indverjinn og réttir honum sandala. Maðurinn hugsar með sér að hann geti nú alveg eins prófað
þetta og tekur við þeim. Eitthvað gekk honum nú illa að koma sér í skóna, enda aldrei áður farið í sandala,
en um leið og þeir voru komnir á fætur hans finnur hann þessa líka svakalegur greddu koma yfir sig og hann
bara ræður ekki við þörfina. Hann rýkur á Indverjann, kippir kuflinum upp og ætlar bara að fá sér einn stuttan.
Þá argar Indverjinn upp yfir sig: "Nei, nei, nei, þú vera í krummafótur!"

2006-01-17T22:53:00.000Z

Um síðustu helgi skellti ég mér í ferð með Bjsv Brák. Gengum við sex frá Sauðhúsaskógi þangað sem við vorum keyrð og upp í Langavatnsdal þar sem við gistum í gangnamannakofa Borghreppinga. Á korti var leiðin ekki löng en þegar í læris og upp í mittisdjúpan snjó var komið var hún orðin heldur lengri en fólk átti von á. Ekki man ég eftir að hafa gengið (troðist áfram) í álíka snjó áður en þetta var mjög góð ferð og þá sérstaklega fyrir rass og lærisæfingar. Tunglsljósið var mjög fallegt inn á milli veðurhryðja og á endanum komumst við í kofann.
Á laugardeginum fórum við í gönguferð upp Réttarmúlann þaðan sem var mjög fallegt útsýni yfir Langavatnið. Þetta er mjög spennandi svæði og hefði verið frábært að fara um það á skíðum. Svo bakaði náttúrulega Ásgeir þessar dýrindispönnukökur namminamm. Þær eru einskonar staðalbúnaður í ferðir...
Á sunnudeginum kom svo vélsleðahópur á móti okkur og buðu að aðstoða síðasta spottann að bílunum sem sumir nýttu sér. Með í för var púlka sem er einskonar sleði sem maður bindur aftan í sig. Hún var víst í jómfrúarferðinni og eigandinn var ánægður með rispurnar sem komu eftir ferðina:) Frábært tækifæri að fá að testa svona apparat fyrir komandi gönguskíðaferðir en Kerstin sem er þýsk var með hana mestalla leiðina í þessarri ferð ásamt þungum þrífóti og risamyndavél í bakpokanum. Já þessar þýsku valkyrjur kalla nú ekki allt ömmu sína...

Var að uppgötva mér til mikillar undrunar að ég get ekki notað Dagbók 2005 þar sem hún tekur ekki fyrir árið 2006 á eftir 2005... Þetta finnst mér mjög eiginlega mjög leiðinlegt þar sem mér þykir ennþá vænt um þessa dagbók...

Hmmm fleiri forsetar Bandaríkjanna hafa verið óheppnir í orðavali en Bush... "Það er sannarlega við hæfi að við komum hér saman í dag til þess að minnast Abrahams Lincolns, sem fæddist í bjálkakofa er hann reisti með eigin höndum." Ronald Reagan

2006-01-15T23:22:00.001Z

Áramótaheitið 2006...

...er að sinna vinum og fjölskyldu meira en árið 2005. Og reyndar líka eitthvað eins og að borða meira grænan mat og hætta mánaðarskorpuæfingum (æfa ógeðslega mikið í viku og hætta í þrjár). Svo gerði ég líka smá raunhæf áramótaheit t.d. er ég hætt að reykja, hætt taka kókaín, hætt að vera með anórexíu og ætla alltaf að hafa drasl (óreglulega uppsetta hluti á óreglulegum stöðum) í íbúðinni minni, líka þegar koma gestir.

Já, svo voru það fyrstu jólin eftir að pabbi dó sem svo margir spyrja um og aðrir kannski þora ekki að spyrja um. Þau voru í rauninni ekki eins erfið og ég bjóst við. Það var aðallega tíminn fyrir jól sem var erfiðastur, því einhvern veginn var ég alltaf að hugsa um hve jólin hlytu að verða erfið og öðruvísi. Auðvitað voru þau allt öðruvísi en ekki eins erfið og ég hélt þau yrðu. Við mamma vorum hjá Jónínu systur og hennar fjölskyldu á aðfangadag. Það var náttúrulega ekki leiðinlegt frekar en við var að búast með þeirri frábæru fjölskyldu, fullt af dásamlega góðum mat, æðislegum pökkum og miklu fjöri. Strákarnir fengu t.d. byssur í jólagjöf sem náttúrulega undirstrikaði friðaranda jólanna:) Pabbi var nú alveg örugglega ekki langt í burtu.

Annan í jólum fór ég út til Noregs til Önnu Guðrúnar og Elínar systra minna og fjölskyldna þeirra. Þær búa í Telemarkfylki og náttúrulega fór ég með nýju (gömlu) Telemark skíðin með mér, hvar er betra að læra á Telemark en í Telemark? Ég bara spyr... Daginn eftir kom svo Lilja Akur- og Hvanneyringur frá Danmörku og svo vorum við í svakalega góðu yfirlæti hjá systrum mínum töluvert fram yfir áramót.

Við vorum að mestu leyti hjá Elínu sem var kaaaaasólétt en er búin að eiga stóran strák núna, Tor Magne og Einari litla frænda og núna stóra bróður....já og Nemi klappsjúka hundinum þeirra og kettinum sem er með 23tær og er lagður í einelti af hundinum sem er border collie og er auðvitað stöðugt að smala honum. Þau búa í fallegu húsi á ótrúlega fallegum stað alveg við risastórt vatn sem liggur alveg út í sjó með einhverjum af elstu skipastigum í heimi.. sem voru byggðir frá 19.öld.

Svo gistum við líka tvær nætur hjá Önnu Guðrúnu og hennar fjölskyldu því Lena og Mari frænkuungarnir mínir tóku það ekki í mál að tante Halla og Lilja væru bara hjá tante Elin. Þau eiga líka svona skrítinn kött með margar tær en þetta eru kallaðir skipakettir, þau eiga líka spes finnskan veiðihund, hann Jeppe sem er soldið kreisí og þarf að sofa útí gerðinu sínu. Þau búa meira í svona hverfi. Við hliðina á þeim er sveitabúðin sem gamall kall á. Þar fæst bókstaflega allt nema kannski úrval af matvörum en á 10fermetrum er t.d. bjór, allskyns föt, útivistardót, snyrtivörur og allt sem nöfnum getur að nefna. En ekki kannski sett upp á mjög skipulegan hátt. Mér fannst t.d. mjög fyndið að í einni hillunni var einn borðtennisspaði, einn útivistarketill og einn smokkapakki saman.

Staðurinn er alveg magnaður með há fjöll um allt, hrikalega flotta kletta, risastórt vatn, alls kyns dýr og skemmtilegt fólk sem maður getur rekist á.
Við fórum á skíði uppá næstum hvern dag, á Telemarkskíði í stóru brekkurnar í Vraadal þrjá daga en svo oft á gönguskíði upp í heiði með annað hvort Tor Magne eða Önnu Guðrúnu og co. Á heiðinni eru nokkrar leiðir þar sem er farið yfir með tæki öðru hvoru og það var frábært færi, við fengum að sjá gönguskíðakeppni þar á gamlársdag. Þegar við vorum komnar heim eftir að hafa horft á keppnina buðu Tor Magne og Trond mágur hans okkur í gönguskíðaferð uppá Næring sem er hæsta fjallið í kring til að skjóta upp rakgettum. Eftir að skíða þar upp og bera skíðin brattasta hlutann komum við að mastri þangað sem komu saman um 15-20 manns. Einn klifraði upp hálft mastrið og setti þar upp gult vinnuljós sem lýsti yfir nóttina, kveiktur var lítill varðeldur og skotið upp. Ekki var nú alveg farið eftir ströngustu öryggisreglum í flugeldauppskoti þar sem allir stóðu rétt hjá flugeldunum , gleraugnalausir og ýmislegt fleira ógáfulegt sem ekki sést mikið hér heima. Ekki skrítið að 28 norsarar hafi skaðast á auga og 8 misst sjónina á gamlárs. En þetta var ekkert smá gaman og ekki síður að skíða niður í myrkri.

Um kvöldið vorum við keyrðar í Vraadal þar sem við fórum með Þórálfi (Toralf) fyrrum vinnufélaga mínum á pöbbinn þar sem var trúbador og stuð þó ekki væri pubbinn fullur af fólki en fólkið var amk fullt. Eitt sumar og tvenn jól var ég sem sagt að vinna þarna í Vraadal og gaman að sjá slatta af fólkinu og staðnum aftur.

Allveg fullt sem ég gæti sagt fleira frá Norge en hér verður samt stoppað. Var ekkert smá gaman og avslappende að vera þarna, verður pottþétt endurtekið einhvern tímann...

2006-01-12T00:06:00.000Z

Alveg finnst mér það merkilegt...

...að einhverjir skuli ennþá kíkja inná síðuna þrátt fyrir að það gerist ekki alltof mikið hérna inni. Ég var að velta því fyrir mér hvað það væri eiginlega sem fólk væri að bíða eftir að lesa inni á svona síðum þar sem gerist eiginlega ekkert. Er það kannski spennan um hvort það muni einhvern tíma eitthvað gerast alveg eins og Suðurlandsskjálfti? (Við erum nú reyndar líka upprunnin af sömu slóðum.) Eru vinir mínir einstaklega þolinmóðir? (Held reyndar að þeir þurfi að vera soldið mikið þolinmóðir...) Kemur fólk inná svona tregar síður til að athuga hvort einhverjar tilfinningalegar uppljóstranir verði til? Brandarar fæðist? Lífsreynslusögur sagðar óháð skemmtanagildi? Heimskuparasögur? Nú veit ég uppá mig sökina fyrir því að líta ekki oft inná annarra manna blogg og heldur ekki mitt eigið... Hvað skyldi það vera sem fær fólk til þess að heimsækja síðu þar sem ekkert hefur gerst í mánuði??? Ef þú lest þetta þá endilega gerðu athugasemd...c",)

2006-01-11T01:19:00.000Z

Einfalt er betra en flókið.
Hljóðlátt er betra en hávaðasamt.
Það sem er nærtækt er betra en það sem þarf að leita að.
Dieter Rams

2005-08-12T00:56:00.000Z

Hér kemur óbirt blogg frá því um miðjan ágúst

...ég fékk ótrúlega flotta veiðistöng í afmælisgjöf og spúna. Núna þarf ég ekki lengur að nota hræðilega litla framlengjanlega tólið sem ég keypti á bensínstöð. Svo fór ég með tveimur litlum frændum að veiða í áveituskurðinum og við fórum heim með öngulinn í rassinum en færið blotnaði amk.

Fór með Valda og Maríu Guðbjörgu að veiða hjá Borgarfjarðarbrúnni. Gekk rosalega vel að veiða fyrir utan það að það veiddist ekki mikið þrátt fyrir miklar og fagrar tilfæringar:)
Svo létum við liggja í letingja soldið lengi og fannst eins og stöngin hjá honum Valda hreyfðist aðeins en héldum að það væri bara vindurinn. Svo var komið að heimferð. Þegar við drógum inn færin kom í ljós minnsti tittur með stærsta kjaft mögulegan fyrir smæð sem þessa á stönginni hans Valda. Greyið var örugglega búið að vera þarna lengi haha. Marhnútur sem rétt var kominn yfir kviðpokaskeiðið...

Gaman að koma heim í sveitina og sjá hvað blómunum og fiskunm líður vel með skógræktarfræðing og dýrahjúkku til gæslu (Valdi og Guðrún snillingar).

Bjargaði litlum þúfutittlingi sem skýrður var Dúi. Hann er farinn að sitja á fingri mér og horfir þakklætisaugum í augun á mér (fuglamál"af hverju léstu hann ekki frekar éta mig"). Dúi er að reyna að jafna sig af vængbroti, óvíst hvað hann lifir lengi en hann er ekkert smá fyndinn og gáfaður. Finnst flugur rosalega góðar og gleypir risaköngulær með góðri lyst. Svo sprikla lappirnar af þeim á gólfinu og hann yfir sig ánægður. Hann mun nú sennilega ekki lifa mjög lengi þar sem hann þarf óhemju mikið af skordýrum til átu og lifir ekki af í náttúrunni vegna alvarlegrar slösunar. Sjáum hvað setur.

2005-07-31T23:58:00.000Z

Sumt breytist aldrei...

Takk fyrir afmæliskveðjur knúsíknús...

Jæja nú er ég á 6. degi af 9 með 15 farþega í Across the wilderness trukkaferð og skemmti mér alveg konunglega. Þetta er mikil mixtúra af fólki, 1 svíi, 2 belgar, 2 hollendingar, 2 danir og 8 bretar þar af 2 unglingar og eitt barn. Reyndar soldið þreytandi að þurfa að tala dönsku fyrir eina konu sem ekki skilur ensku. Vá hvað þetta er samt æðislegt fólk og trukkurinn minn líka...hahaha. En ég hélt að ég myndi ekki verða eldri þegar ég fékk mantrukkinn minn nýja í hendurnar 270 hestöfl, 10 tonn og 16 gíra og dekk sem ná mér ofar en í mitti, mi god. En þetta hefur gengið alveg ótrúlega vel og það er megafyndið að sjá hvernig sumir missa andlitið við að sjá STELPU af öllum fyrirbærum keyra svona ökutæki, sérstaklega égerbúinnaðvera55áríbransanumogvilekkisjáneinarkellingarnemaberar-trukkakalla. Ef fólk vissi bara hvað þetta er í raun auðvelt, en ég ætla nottlega ekki að segja neinum það frekar en að ég er á túr...

Jæja í gærkvöldi ætlaði ég að vera rosalega sniðug að koma dvd tækinu í gang og sýna Litlu ljótu lirfuna í dag. Eeeen í morgun virkaði svo ekki míkrófónninn og ég þurfti að ÞEGJA í 1 og 1/2 klst(pælaíþví). Kom honum samt í gang fyrir rest. Svo sá ég lóuunga hlaupandi á veginum og veiðieðlið gaus upp og mín stökk á eftir og náði honum eftir mikinn eltingarleik úti í móa enda stór ungi með hraðvirka risafætur en ég bara með hlúnkahlamma. Fólkið nottlega í kasti. En 2km keyrslu síðar fattaði ég að ég var ekki með símann á mér lengur heldur hafði misst hann á hlaupunum eftir litla gerpinu svo ég þurfti að snúa við og leita að bansettum símanum í risastórum móa sem gömul kona úr hópnum fann fyrir rest. Hún þurfti reyndar aðeins að vinna upp gærdaginn þar sem ég þurfti að hlaupa nokkra kílómetra eftir henni því hún hafði ákveðið að bíða eftir okkur í gönguferð sem var sko hringur svo við komum ekki tilbaka. En já sem sagt lóur geta verið skæðar þegar kemur að gemsum.
En jæja eftir snæfellsnes, skagafjörð, mývatn og sprengisand er ég núna á Hellu en á leið í Landmannalaugar, Hólaskjól, austur með ströndinni og heim til hinnar fjölskyldunnar minnar á Gerði í suðursveit þar sem við verðum í tvær nætur. Krúsað með ströndinni næstu daga. Ef einhver er á ferðinni endlich hafið samband.
Adios

Ps Suður svíar geta verið ógeðslega fyndnir, eitthvað sem ég hafði ekki hugmynd um.

2005-07-24T18:12:00.000Z

Ohhh, ég get verið svo guidafyndin stundum...

...af því ég bjó til nýjan guida brandara í dag... Ég er búin að vera með amerísk feðgin í 2 daga Gullna hringinn, á sleðum, og í helli þannig að við vorum aðeins farin að þekkjast og þá fara oft nýir brandarar að spretta. Var búin að segja þeim að bretar byggju í eins húsum en til að finna leiðina heim af barnum að þá væru þeir með hurðirnar málaðar í sitthvorum litnum. Við íslendingar gerðum gott betur og máluðum allt húsið í áberandi lit. Svo vorum við á leið til Keflavíkur í dag og ég sagði þeim að herstöðin væri þar sem mismunandi litu þökin væru, til þess að Airforcið vissi í hvaða blokk þeir ættu heima þegar þeir kæmu fljúgandi heim frá barnum... Var þetta ekki fyndið?:)

Og annar glataður guidabrandari en þegar maður er að keyra á holóttum malarvegi að þá finnst fólki voða sniðugt (amk mér og ég hlæ mjög hátt og skellt að sjálfri mér;)) þegar ég segi að þetta sé svona nuddvegur(massage road) og þau þurfi ekki að borga aukalega fyrir nuddið. Svo einu sinni var ég nýbúin að segja þetta og vegurinn varð hrikalega holóttur og fólkið átti fullt í fangi með að rotast ekki og þá kom einn guidabrandarinn: "But this aint no louzy massage road, this is a VIKING MASSAGE ROAD because they have so big muscles!" Og var þetta ekki líka fyndið?:)

En vissuði það að þegar allir fingur eru í lófann lagðir að þá eru þeir jafnlangir. Þegar allt fólk er lagt á koddann þá ná allir jafnlangt upp að höfðagaflinum... Stúlkur! Risi eða dvergur? Ætti samkvæmt því ekki að skipta máli...

Mér finnst að fleiri karlmenn ættu að hafa skegg því það er ótrúlega karlmannlegt, en samt ekki yfirvaraskegg með upprúllaða enda því það er ógeð..

Ok bæ!

2005-07-22T00:10:00.000Z

P.s. mér fyndist rosalega kúl ef einhver myndi skrifa í gestabókina á afmælisdaginn minn, því þá verður skrifað einu sinni á ári!!!!:)

2005-07-21T23:53:00.000Z

Já, var að átta mig á því...

...að kannski hef ég ekki svo svakalega mikinn áhuga á því að vera eini portúgalski leiðsögumaðurinn á Íslandi því þeir eru ótrúlega krefjandi og orkufrekir þrátt fyrir að vera ótrúlega skemmtilegir og líflegir. Vantar eins og tvær könnur af þolinmæði með hverjum morgunmat og helst um kaffileytið líka. Þeir eru alltaf að spyrja að einhverju sem er gott mál en þegar þeir spyrja ALLIR í einu og ALLTAF að þá verður þetta soldið þreytandi.

...að það eru virkilega 10 ár síðan ég bjó í Portúgal og ég var ekki nema 17 þá og kannski ekki skrítið að ég viti ekki rassgat um þetta land. Ég kannast alveg við nöfn á mat og stöðum en ég man ekki alveg hvað það var eða hvort ég smakkaði og hvað þá ef mér fannst það gott eða hvar eða hvort og hvenær ég kom þangað. Og hvers vegna eru þá allir í hópnum alltaf að spyrja mig um eitthvað sem ég man ekki???

...að sumarið er að verða búið og ég er ekki búin að gera neitt nema vinna jú og auðvitað fara í brúðkaup. Vinnan er reyndar skemmtileg og brúðkaupin líka mjög skemmtileg en ég er ekki búin að gera mikið annað.

...að það er ótrúleg óeigingirni af fuglunum að vera að syngja fyrir okkur endalaust þar sem við nennum aldrei að syngja fyrir þá.

...að ég er að spá í því að ganga í klaustur tímabundið.

Megi hvalurinn mikli vera með ykkur!

2005-07-04T20:19:00.000Z

Endalaus vinna, plöntuveröldin og brotið rifbein...

Já, það er nefnilega helst að frétta héðan úr Hal Animal heimi. Ég er búin að vera að vinna nonstop í sumar. Aðallega hjá Afþreyingarfélaginu við að driverguida útlendinga í Patrolum og Econlinerum sem er reyndar mjög gaman. Náði öllum prófum með árangri sem ég bjóst alls ekki við miðað við hvað ég var EKKI dugleg að læra. Hlýt að hafa sofið hjá einhverjum kennara án þess að hafa tekið eftir því ... djók. Þeir voru reyndar flestir kvenkyns... Bætti við mig tungumálum í leiðsögn og er núna EINI portúgölskumælandi leiðsögumaðurinn á Íslandi...JÍBBÍ! En það verður líklega breyting á næsta sumar þannig að ég ætla að njóta þess til hins ýtrasta að vera eitthvað öðruvísi svona einu sinni(hmm?:))...mohohohoho

Fór í fyrstu hringferðina sem driverguide með 8 spánverja þar af einn á við 4 sem var eins og 5 ára krakki. Áskorun sem hægt er að fá í svona ferðum. Á endanum fór ég að beita jákvæðnisaðferðinni á hann. Veitti honum athygli og jákvæðni þegar hann sagði eða gerði eitthvað jákvætt (í mínum augum) og ignoraði hann þegar hann var að tauta einhver leiðindi. Þetta svínvirkaði á kauða og allt gekk eins og í sögu...:) Þau voru búin að ferðast um allan heim og héldu að þau hefðu séð allt en þau héldu að kindurnar væru geitur, tvíreykt kindakjöt væri svínakjöt, hópur af svönum uppi í fjalli væru mjallahvítar kindur og klunnalegur svanur á rölti meðfram veginum væri sko ekki svanur því þeir væru svo glæsilegir og ALLTAF á vatni. Sem betur fór hittum við fyrir 2 stórglæsilega geithafra með megahorn sem afsannaði geitakenninguna, kjötið fór að jarma, kíkirinn afsannaði hvítukindakenninguna og fuglabókin sýndi ísl.svani og nafnið á spænsku. En þau voru ekkert smá skemmtileg að öðru leyti og við sáum hnúfubaki, flórgoðahreiður og lóuhreiður, húsönd og straumönd, hreindýr og seli o.fl. Alveg frábær ferð!

Í júní vikulangt plöntugreiningarnámsskeið á Hvanneyri sem var ekkert smá mikið fjör og ég lærði ótrúlega margar plöntutegundir og nú getur maður ekki hætt að glápa eins og hálfviti út um allt í leit að plöntum, ekki það að hálfvitar eru líka ágætir. Svo eigum við að gera plöntusafn með slatti mörgum plöntum. Í ágúst fer ég svo á eitthvað landgræðslunámsskeið í Gunnarsholti.

Og ef einhver ekki vissi að þá er hægt að brjóta rifbein með hósta og það er vont:) Ég er farin að verða svolítið þreytt á því að hósta en það hefur verið mjög vinsælt sport hjá lungunum í mér síðan fyrir páska. Ég má ekki hreyfa mig spönn frá rassi og þá hósta ég eins og hross í klukkutíma eða svo. Svo hefur það komið tvisvar fyrir að ég hef brotið eða brákað rifbein út af honum. Hversu heimskulegt er það eiginlega?

Speki mánaðarins: Maður á frekar að vera 5 mínútum of seinn í þessu lífi heldur en 50 árum of snemma í því næsta! (Maggi skipstjóri)

Over and out, takk fyrir þolinmæðina, eigið góðar stundir...

2005-04-27T19:23:00.000Z

Hva, nennir enginn að..
...blogga hérna eða hvað?:o)
Komnar nýjar myndir inn á myndasíðuna, bætti við síðustu myndunum af Hummer líka.
Blogga meira bráðum...

2005-02-16T14:38:00.000Z

Þess má geta...

...að baraábrókunum drengirnir eru ótrúlega góðir í því að lífga upp á hversdaginn hér á Hvanneyri sem annars staðar. Á öskudaginn klæddu þeir sig í alvöru búninga og gengu í hús hér og verslanir á Hvanneyri og Borgarnesi þ.á.m. ríkið, sungu og fengu bjór í staðinn. Snillingar...

Um síðustu helgi lærði ég það að: Litlu lömbin hlaupa upp um öll fjöll á sumrin, éta bara gras og koma spikfeit af fjalli að hausti. En ljónið konungur dýranna étur bara kjöt og meira kjöt, liggur svo í leti þess á milli en er alltaf stælt og spengilegt. Og hvað lærir maður af þessu? Tja, maður verður feitur af því að hlaupa upp um fjöll og borða grænmeti en stæltur og spengilegur af því að borða bara kjöt og liggja í leti....

2005-02-14T01:00:00.000Z

Hvanneyri´s special...

...var að koma heim úr helgarlangri kaupstaðarferð, ljós kveikt í tveimur íbúðum í blokkunum og ég var sannfærð um að allir aðrir væru sofandi. Eeen þegar ég kem á bílastæðið mitt eru þar fyrir tveir stæðilegir karlmenn á brókunum (halló það er snjór...). Voru þeir þarna fyrir utan gluggann hjá nágrönnunum að reyna að sannfæra íbúana um að þeir væru þess virði að líta á sem reyndar tókst ekki... Ekkert smá fyndin heimkoma:) Aðeins á Hvanneyri...

En eftir þessa helgi er ég orðin svokallaður VÚFER!!!! Já, fyrir þann sem ekki veit hvað VúFeR er að þá er það ekki:
- Hunda- eða geltþjálfari
- VÚdúnorn sem sérhæfir sig í FERmingarundirbúningi
- Virkjuð Úr Fossum, Eldi og Regni
Heldur dadadarada er ég búin með 72 stunda námskeið og æfingar í óbyggðalæknisfræði og má núna GERA ÝMISLEGT SEM ÉG MÁTTI EKKI ÁÐUR... og meira að segja með leyfi landlæknis :o) Vonandi orðin betri manneskja fyrir vikið..

2005-02-07T18:00:00.000Z

Oj, hver vill skeina sig á hvolpi???

Ég sat á klósettinu og lét mér leiðast, þar sem páfinn nennti ekki að tefla við mig sem er nú ekki í frásögur færandi enda grey kallinn með flensu. Á klósettpappírspokanum er mynd af litlum sætum hvolpi og stendur: "Always knew I was everyone's best friend... ...a bit of a handful ...a real soft touch but also a strong sturdy little fellow! Andrex tuggable, huggable softness". Ef maður skeinir sig með þessum afar mjúka og sterka skeinispappír er það þá eins og að skeina sig á hvolpi? Hver færi líka í þá aðgerð að reyna að faðma skeinispappír? Held ég kaupi þennan aldrei aftur, HNUS!!!!

2005-01-31T10:30:00.000Z

Gleðifréttirnar eru þær...

...að tölvan mín var ekki ónýt. Tölvuviðgerðarkallinn hringdi í mig og baðst afsökunar á því að hafa verið að lýsa fyrir mér annarri tölvu sem var öll í hakki. Mín var bara allt í lagi nema hvað það þarf að setja meira minni í hana... Þarna græddi ég 120 þúsund kall :o)...nanananana

Á laugardaginn labbaði ég ásamt því snilldarfólki Ásgeiri úr Borgarnesi og Oddnýju af Akranesi upp á Akrafjall. Það var ágætisvindgjóla og í mestu hviðunum varð maður að halda sér í nærliggjandi grjót, bara fyndið. Á toppnum bakaði Ásgeir svo pönnukökur sem var algjör snilld og það var sko sykur, bláberjasulta, rjómi og súkkulaðirúsínur með. Geri aðrir betur!!!:) Tvímælalaust bestu pönnukökur sem ég hef smakkað...:o)

2005-01-24T17:33:00.000Z

Fjölskyldan þakkar...

...allar samúðarkveðjurnar. Lúísa biður að heilsa.

Það er helst í fréttum að tölvan mín er sama sem ónýt, sjónvarpið mitt gerir alla mjög ílanga og ljóta, ég held að það sé að reyna að tolla í tískunni við að photoshoppa fólk. Reyndar mjög fyndið þegar ástandið í sjónvarpinu var að byrja þá var ég að horfa á bíómynd og hélt að allir leikararnir væru svona hrikalega ófríðir. Svo fór ég í heimsókn og sá að svo var ekki, heldur var sjónvarpið farið að klikka. Bíllinn er eitthvað skrítinn og kannski bara ég líka:) Ótrúlegt hvað allt kemur á sama tíma.

Skólinn er ágætur, ég veit núna að "til þess að ná árangri sem blaðlús" þarf maður alltaf að vera tilbúinn að æxlast eftir aðstæðum, kynbundið eða kynlaust. Í líkama okkar er um 1,2kg af bakteríum og sveppum :o) ojbara og ef maður finnur svepp sem heitir jötungíma að þá er það "sérstök hátíðarstund":o) Það er hann Björn grasafræðikennari sem tekur oft mjög skemmtilega til orða og kemur með áhugaverð dæmi.

2005-01-21T15:20:00.000Z

Enn einar sorgarfréttirnar...

...Hummer er látinn. Eftir að hafa verið undir frábærri umsjá Benna og Höllu Hvanneyringa við matargjöf og leik yfir hátíðarnar að þá stytti hann líf sitt.
Þegar ég kom heim úr Reykjavíkurómenningunni með lítinn appelsínugulan eplasnigil sem heitir Lúísa Matthíasdóttir, þreif ég búrið og ekki sást annað en Hummer væri í góðum gír með það að fá leikfélaga í stað Kjarvals svo ég lagðist áhyggjulaus til hvílu. Svo um morguninn var Hummer ekki í búrinu heldur hafði farið niður á hillu, skrifborð og gólf og skriðið alveg að dyrunum í gegnum allt draslið (ca.3m). Þar lá hann örendur. Snökt, síðan er ég búin að vera óskriffær síðan þar sem hann var minn aðalinnblástur við bloggskriftir. Síðustu myndirnar af Hummer og Kjarval í lifanda lífi verða birtar þegar ég fæ tölvuna mína aftur, vonandi í næstu viku.

Annars er mjög brjálað að gera þessa dagana. Var að vinna öll jólin like a loony til að eiga fyrir hinum og þessum nauðsynjahlutum eins og 4urra helga Wilderness first responder námsskeiði sem ég er á núna. Það þurfti nottúrulega að lenda á stuttönn í skólanum sem er sérstaklega mikið að gera...

2004-12-17T01:06:00.000Z

Uppskrift að finnsku jólaglöggi...

1 lítri vodka
1 meðalstór rúsína

Öllu innihaldinu blandað saman og drukkið. ATH. Meira skal drukkið en talað!

2004-12-11T18:53:00.000Z

Þegar við verðum gömul...

Það er eytt miklu meiri peningum í sílikonbrjóst og viagra í heiminum í dag heldur en er eytt í alzeimer-rannsóknir. Þetta þýðir það að þegar við verðum gömul verðum við með risabrjóst og standpínu og munum ekkert til hvers....

Rokna árshátíð búin... ...prófin að fara að byrja án nokkurs upplestrarfrís ...mikið að gera... ...skrifa bráðum eitthvað gáfulegt og set inn myndir frá Hvanneyri eftir u.þ.b. viku:)

2004-12-05T13:11:00.000Z

Umhugsunarvert í vetur!!!

Ef maður notar ekki húfu þá fær maður kvef
Ef maður fær kvef þá eru líkur á að maður verði hás
Ef maður er hás þá þarf maður að hvísla
Þeir sem hvísla eru að ljúga
Þeir sem ljúga fara í fangelsi
Ef maður fer í fangelsi þá kynnist maður dópi
Ef maður dópar þá deyr maður!
Gleymdu því ekki helvítis húfunni!!

Finnst þér vinnan þín leiðinleg?Kíktu þá hér...

2004-11-23T22:27:00.000Z

Dánarfregnir og jarðarfarir...

Ástkær fóstursonur&dóttir mín og fósturbróðir&systir, Kjarval eplasnigill, lést á heimili sínu síðastliðinn fimmtudag. Jarðarförin fór fram í kyrrþey með nánustu aðstandendum við hljóðan söng viftunnar á baðherberginu. Blóm og kransar afþakkaðir en þeir sem vilja minnast hans eru vinsamlegast beðnir um að ættleiða höfrung einhverstaðar í Ameríku...

2004-11-07T15:59:00.000Z

Jæja, núna eru komnar aðeins fleiri myndir inná Myndasíðuna mína. Má þar t.d. nefna hellamyndir, klifurmyndir og smalamyndir.

2004-11-02T19:04:00.000Z

Sveitarómantíkin: Smalað í ilmandi birkirunnum Kalmanstunguafréttar

Það var yndislegt að smala Tunguna sem ég býst við að Kalmanstunga heiti eftir. Þoka lá í lofti og kindurnar lágu alls staðar í felum í þéttum birkiskógunum. Þetta var allt öðruvísi en að smala í kringum Strútinn þar sem maður gat verið á hestinum nær allan tímann. Tungan er hinsvegar klædd illreiðfærum birkiskógi sem var afar spennandi að smala. Í sex klukkustundir þurfti maður að hlaupa gólandi hin ýmsustu furðuhljóð sem ósjálfrátt berast úr barkanum þegar fólk kemst í smölun. Með greinar í augum, flæktar um fætur, hárið flækt alls staðar (húfan týndist) þá þurfti svo að reyna að koma auga á kindur í frumskóginum, góð vísbending var hvítt sem hreyfðist. Þeir sem voru uppi í fjalli sögðu þeim sem voru á flatlendi til með talstöðvum ef þeir sáu kindur og svo öfugt. Að smala í birkiskógum er ekki eins einfalt og ætla mætti, ekki er auðvelt að sjá kindurnar og þær vita það vel og fela sig eftir því samt náðum við um 300 kindum sem voru um 50 á mann.
Eftir hrikalega góða kjötsúpu Ástu bóndakonu keyrði ég heim húfulaus, þreytt og afar hamingjusöm í hjarta mér. Ég tek ofan fyrir birkiskógabændum!!!

2004-11-02T18:00:00.000Z

Spennutryllirinn: Hver át barnabörnin? Eða voru þau aldrei til?

Það var seint um kvöld í lok september að hinn ofurfagri slóvenskættaði Hummer fór í labbitúr í litla heiminum sínum í hrærivélarskálinni. Honum leið afar undarlega og hikaði í hverju spori á sínum sex löppum. Eggin sem hann hafði borið undanfarnar vikur voru farin að losna og Hummer hinn fagri hafði miklar áhyggjur af þessu. Það var líkt og örlögin hefðu tekið í taumana og ákveðið að kast afkvæmum hans, og aðeins hans, út í sandinn. Skjálfti fór um vinstri klónna og skelina hans þegar síðustu eggin losnuðu af fótum hans, nú stóð honum ekki á sama. Hann byrjaði að hlaupa stjórnlaust um búrið, bæði aftur á bak og áfram þar til hann var orðinn alveg úrvinda. Þá skreið hann undir stein og svaf draumlausum svefni þar til sólin kom upp. Hann opnaði augun sem voru reyndar alltaf opin og varð smá rangeygður af þreytu. Hann byrjaði strax að hrópa og kalla á eggin, börnin hans sem dreifst höfðu um búrið kvöldið áður en hróp hans hurfu, bergmálslaust út í þögnina. Þau voru horfin að eilífu... ef þau voru þá einhvern tíma til...

2004-10-24T17:25:00.000Z

Hasarsagan: Hvítu augabrýrnar og ferðin á Þumal

Það var farið á nálgast helgina sem leit út fyrir að vera fyrsta heila helgi Hvítu augabrúnanna í sælureitnum Hvanneyri, friðsæl helgi með blesgæsakvaki og músagrasskrjáfi. En þá... HVISSBANG hringir síminn. Í símanum er Dísa Ljósálfur sem fer að ræða fyrirhugaða undanfara og -rennuferð á Þumal. Hjartað byrjar strax að slá örar í Hvítu augabrúnum, adrenalínkliður fer um æðarnar, Þumall, drangur hvers klifrara. I´m in!

Lagt var af stað á föstudagskveldi með nesti og gamla, góða gönguskó. Tilkynnt var að við þyrftum ekki jöklabúnað og svoleiðis svo bakpokinn var ekki svo svaðalega troðinn. Skoska stálið fékk þó að fara með just in case, það klikkar náttúrulega ekki, enda handgert og vandað yeah baby yeah!
Komið var í Skaftafell um eittleytið og öllu nauðsynlegu, í reisu sem þessa, raðað af kostgæfni í bakpokana. Kalt var í veðri og stjörnubjart. Við gengum um nóttina yfir í Mosárdalinn. Ískristallarnir störðu með sínum glitrandi augum á okkur þar sem höfuðljósin lýstu upp trén og stíginn sem var svelllagður að mestu. Tjaldað var í Mosárdal nema þeir sem nenntu því ekki. Við Villý t.d.gerðum tjaldið að double bivac og sváfum undir berum himni, mörgum stjörnum og einu tungli. Eina sem vantaði var varðeldur og úlfaspangól.. Hroturnar í strákunum bættu það samt upp.

Nóttin varð aðeins stutt hjá ferðalöngunum, því tveim tímum seinna (kl.7) heyrðist ógurlegt öskur. Allir hrukku við... Freyr foringi senior var farinn að vekja liðið.
Veðrið var gott og hin ægifögru fjöll suðausturlands teygðu úr sér eftir magnaða nótt þegar undanfararnir og rennurnar átta lögðu af stað í ferð sem enginn vissi hvernig færi.
Eftir því sem ofar dró og skriðurnar urðu brattari og lausari magnaðist spennan og gleðin. Þumall gægðist betur og betur yfir hópinn þegar hópurinn hækkaði sig í skriðu dauðans í Hnotudal. Sumir ferðalanganna höfðu reynt áður þessa för en ekki fundið rétta klettinn, aðeins aðra minni sem litu út fyrir að vera fugladrit á grein í samanburði við Þumal sem stækkaði ört.

Eftir skriðu dauðans blasti garpurinn við en þar kom jafnframt kafli sem Hvítu augabrúnum fannst vera efri mörk takmarka sinna, skriðuklöpp sem var laus í sér en samt ekki. Flest það sem tekið var í fór niður brattar klapparskriður og það var ekki gott að vera í venjulegum gönguskóm. Ef einhver hefði skoppað niður þarna væri sá hinn sami sjálfsagt enn á leið niður.
Ekki tók betra við eftir skriðuklapparþverunina því aðstæður á þumli eru nefnilega ekki þær sömu í október og í júlí þegar hann er yfirleitt klifinn. Jökullinn sem þarf að fara yfir var krosssprunginn og við ekki í broddum! Skoska stálið var hið eina ískins sem var með í för. Það var harður snjór á ísnum svo hægt var að gera spor en gapandi, hljóðar jöklasprungur voru um allt. Þegar kom að því að fara að hoppa yfir sprungu og lenda á fremur lítilli spöng útbúnaðarlaus ákvað helmingur hópsins að sýna skynsemi og snúa við, hinn helmingurinn hélt yfir sprungusvæðið og hóf klifrið.

Helmingur af helmingnum sem fór tilbaka ákvað að athuga hvort hægt væri að komast hinum megin að klifurstaðnum, sem sagt Hvítu augabrúnirnar og Pétur Steinn. Villý og Herdís urðu eftir. Það var hægt að komast í kringum Þumal en upp þurfti að fara skriðu sem varð að klifra með á klettaveggnum því hún var öll laus og ekki hefði þurft mikið til að setja af stað skriðu. Þegar við komum upp sáum við á óæðri endann á Frey junior sem var að fara upp fyrstu spönn. Við tók bið eftir The boys, Tryggva jr., Frey sen. og Frey jr. og Sissa. Biðin varð löng, löng og löng en við töpuðum samt ekki gleðinni, héldum henni í nokkra klukkutíma við hugmyndaflug sitt á hvað og myndatökur. Fengum heimsókn rjúpna þarna upp í yfir 1000m hæð. Pétur fór reyndar að sjá sofubroskalla á tímabili áður en hann sofnaði en það var örugglega bara af ofkælingu... Þegar The boys komu niður að þá var farið að rökkva og samt helmingur leiðarinnar eftir, leiðin tilbaka. Stelpurnar höfðu farið á undan.
Sumir í hópnum tóku það ekki í mál að fara ótryggð yfir skriðuþverunina þannig að skellt var upp handriði með línu sem var ágætt því eitt takið sem Hvítu augabrúnirnar tóku í datt ásamt um rúmmetra af bergi. Namminamm adrenalín:)

En restin af leiðinni gekk vel eftir gpstrackinu hans Péturs Steins, það er ekki of gott að rata þarna í myrkri. Því komust einmitt sumir að... Því þegar hópurinn var að koma niður síðustu brekkuna heyrðist allt í einu kallað langt ofan úr fjalli: "Halló" og "Villtar". Þar voru þá Herdís og Villý sem villst höfðu af leið og voru einmitt þarna að fara að finna sér skjólstað fyrir nóttina. Með góðu ljósi var lýst upp til þeirra og þá voru þær fyrir ofan bratt klettabelti. En sem betur fór var þarna björgunarsveit á ferð sem hjálpaði þeim að síga niður á góðum stað, allt fór vel, gott var að fara að sofa í tjöldunum í hellirigningu og í hellirigningu var gengið í Skaftafell daginn eftir og gleðin sem aldrei fyrr.
Myndir úr ferðinni.

2004-10-22T20:11:00.000Z

Það sem allir hafa beðið eftir með óþreyju...

...myndir af Hummer og Kjarval c",)

2004-10-18T20:46:00.000Z

Jamm...

...það er sem sagt smá bið á útgáfu smásaganna sökum þess að Hvítu augabrúnirnar eru að fara í lokapróf í stærðfræði á miðvikudag. En þess má geta að Hvítu augabrúnirnar eru byrjaðar í hljómsveit sem heitir Geit, þar sem þær spila á didgeridoo og gera sönginn ehhh.. "líflegri" þess á milli. Allt að gerast á Hvanneyri... ...en heldur minna á blogginu á alheimsnetinu. En ef allt kæmi strax myndi enginn nenna að kíkja á bloggið mohohohohohoho Allt á kafi í snjó ÍHAAAA!!!!

P.s. Veit einhver um einmana gönguskíði/telemark sem eru ekki í notkun????????

2004-10-16T01:29:00.000Z

Á næstunni...

-Mun koma út hasarsagan: Hvítu augabrýrnar og ferðin á Þumal
-Spennutryllirinn: Hver át barnabörnin? Eða voru þau aldrei til?
-Sveitarómantíkin: Smalað í ilmandi birkirunnum Kalmanstunguafréttar.
-Heimildasagan: Brotin mannréttindi á Hvanneyri! Hvar er réttlætið?

Svo hefur verið opnuð myndasíða í nafni tveggja hvítra augabrúna og má þar búast við að myndauðgi við sögur síðu þessarrar muni spretta upp eins og gorkúlur. En meira um það seinna... Góða helgi!

Over and out...

2004-10-08T13:20:00.000Z

Góðu fréttirnar eru þær...

...að það er farið að vera hvítt í fjöllum hérna í Borgarfirðinum. Skessuhornið sem blasir við á hverjum morgni er búið að vera sveipað hvítri slæðu undanfarna daga. Skyldu nú veðurguðirnir hafa ákveðið að skella smá vetri á árið 2004? Það væri ekki amalegt svona einu sinni.

Slæmu fréttirnar eru þær...
...að það er alltof mikið að gera á Hvanneyri, alltof mikið áhugavert að velja úr... Það er hægt að stunda körfubolta, bandy, fótbolta, blak, handbolta, sund, nokkrar teg.jóga, dans, hestamennsku, bridge, leiklist, partí, söng etc. svo eru áhugaverðir fyrirlestrar öllum stundum, óendanlegir útivistarmöguleikar. Svo er það skólinn... ...það vantar að minnsta kosti 3 aukadaga í vikuna eða ódýra klónunarmöguleika í þennan heim.

Í gær var karaokí á Mótel Venus sem er aðal partípleisið í sveitinni. Nottlega stóðst maður ekki mátið að sjá hljóðnema og dúettinn okkar Önnu Sifjar sem er með mér á umsk1 tók tvö lög og viti menn við enduðum í 3ja sæti. Segir kannski til um það hve fáir tóku þátt...:) Sá annars fram á rólega helgi með lestri góðra námsbóka og chilli en nú hefur stefnan snarlega tekin á að reyna við Þumal með undanförum og -rennum... Ef ég skrifa aldrei hér inn aftur að þá var gaman að kynnast ykkur:o) May the force be with you!

2004-09-30T13:13:00.000Z

Kýr að bera...

...hross hneggjandi fyrir utan gluggann, traktór keyrir um á fullu, kennarinn þrumar yfir fjöldanum fróðleik um nautgriparækt í Nýja-fjósi, lætur nemendur beygja orðið kýr í eintölu, fleirtölu, með og án greinis. Ekki lætur það öllum vel í hendi og huga.

Fyrstu þrjár vikurnar hér á Hvanneyri fóru sem sagt í það að allir nemendur á fyrsta ári (alls 34) í háskólanum þurftu að læra snefil af öllu því sem kennt er á háskólastigi við LBH. Bæði til að kynnast náminu og hinum nemendunum. Nokkrar vettvangsferðir voru líka farnar um Borgarfjörðinn og núna er maður loksins farinn að kunna fjöllin og áttirnar utanað (bara 3 áttir hér), bæjarnöfnin, fólkið sem býr á bæjunum, hvað það borðar og hvernig það er skylt... Mjög nytsamlegt.
En núna erum við sem sagt komin á kaf í námið og mér líst bara helv. vel á það. Bara soldið mikið að læra þegar mann langar til að gera allt annað líka...

Hummer er svo léttur á sér núna að hann hangir bara alla daga í trénu hálfur uppúr og er byrjaður í foreldraleikfimi á spennu aftur. Ég reyndar veit samt ekki hvort hann er búinn að éta börnin eða ekki. Vonandi fer ég þó að sjá skoppandi barnabörn fljótlega.
Kjarval kynntist brekkusnigli hérna í sveitinni um daginn, sem var líka bi eins og hann. En því miður urðu deitin bara tvö þar sem brekkusniglinum fannst alveg nóg að bera húsið sitt á bakinu á deit en að hann þyrfti að taka með sér súrefniskút líka. Kjarval er því frekar leiður þessa dagana.

2004-09-22T09:37:00.000Z

Hummer er þokkalega...

...búinn að losa sig við eggin og nú verður spennandi að sjá hvort litlir hummerar og hummerur fari að kíkja uppúr sandinum. Ég þori ekki fyrir mitt litla líf að þrífa búrið hjá þeim, gæti skolað einhverjum varnarlausum barnabörnum í vaskinn. En samkvæmt gæludýraráðunauti að þá á Hummer alveg að geta átt börn með sjálfum sér... oj bara creepy! Ætli þetta flokkist undir blóðskömm???

Síðustu þrjár helgar eru búnar að vera alveg sérlega gefandi.

Fyrsta helgi, föstudagskvöld fórum við nokkur í miðnætursiglingu á slöngubátum. Það var háfjara dauðans og öll sker og ekkisker uppúr sjónum. Aldrei séð annað eins. Það var mikil ölduhæð þegar við komum út að Gróttu svo við fórum bara í Kópavog þar sem var ládauður sjór. Þar inni í vognum var frekar grunnt og með góðum ljósum var hægt að skoða draslið á botninum. Við eignuðumst þarna litla vini sem reyndar sögðu ekki til nafns en voru ákaflega hamingjusamir með að vera í sviðsljósinu. Þetta voru svona 3-5 cm löng dýr, með stór gáfuleg augu en einkar skrítin í laginu og ljóssækin.
Daginn eftir fórum við Teddi og Pálmi með Nonna bró í Herdísarvík til að hjálpa honum við að safna plöntugræðlingum uppi í klettum. Við Nonni björguðum tveimur fílsungum á leiðinni og slepptum á Hlíðarvatni. Svo sáum við hvar stór, dökkleitur fugl kom siglandi á fleygiferð með þvílíkt kjölsog á eftir sér. Það var væntanlega himbrimi á leiðinni að drepa greyin... Það voru þá björgunaraðgerðir í lagi.

Nonni var búinn að finna þarna hraunrennslishelli fyrir nokkru síðan án þess að vera með ljós, þannig að tínslunni var startað með hellaskoðun. Þessi hellir er mjög falinn og ólíklegt að nokkur hafi komið inn í hann áður því var hann skírður Jónshellir. Þessi hellir er um 250m langur, með óhemjufallegum dropasteinum og ýmsum hraunmyndunum og í gegnum loftið komu sums staðar plönturætur sem náðu alveg niður á gólf. Þarna mátti líka sjá lambabein komin mjög til ára sinna. Það var búið að falla slatti úr loftinu þannig að við urðum að fara mjög gætilega, líka til að hreyfa ekki við dropasteinunum. Það var hægt að standa uppréttur á nokkrum stöðum en yfirleitt varð maður að vera hokinn og sums staðar að skríða. Svo var tínt slatti af plöntum uppi í klettum í algjöru draslbergi sem var mjög varasamt og það borgaði sig ekki alltaf að kippa of mikið í tryggingarnar...

Keflavík rokkaði feitt á Ljósanótt og Jana er súpergestgjafi. Mér finnst reyndar ekki sniðugt að ég festist á filmu við að syngja ókristilegar vísur... Nú verð ég að borga henni mútur í hverjum mánuði.

Helgi tvö eyddi ég uppi í Kalmanstungu rétt hjá Eiríksjökli sem þau eiga (hversu kúl er það???) við smölun kringum Strút á fös, söng og gleði á bænum öll kvöld og svo Fljótstunguréttum á laugardegi. Sá ekkert eftir því að hafa svikið lit og sleppt Skeiðaréttum því þetta var geggjað fjör. Og ég og hesturinn hann Bakkus (viðeigandi nafn) vorum sko góðir pallar.

Helgi þrjú fór í þau fíflalæti að ganga frá Landmannalaugum yfir í Þórsmörk á sem skemmstum tíma. Það voru 11 sem fóru, fyrsti fór á 10t04m en við Herdís rákum lestina á 14t52m. Bara mjög sátt við það, bætti fyrra met um 2 klst mohohoho... Sjá líka ferðasöguna hennar Herdísar.

2004-09-06T22:08:00.000Z

Jæja nú eru hvítu augabrúnirnar mættar aftur...

...eftir laaaaaangt sumarfrí. Bara svona smá um hvað er nú búið að gerast síðan síðast...hmmm látum nú sjá.... Hringferðin var æææææði með frábæru Bretana mína. Þvílíkt skemmtilegt fólk þótt meðalaldurinn væri yfir meðallagi. Gerði engan stórvægilegan skandal með þau en labbaði óvart aðeins of langt með þau í Dimmuborgum en það var mikið blíðskaparveður svo það gerði nú ekkert til, þau höfðu bara gott af þessu. Komst ég að því að ég væri norn inn við beinið því alltaf þegar ég sagði að það væri nú fínt ef eitthvað myndi gerast t.d. koma rigning, sól, hreindýr, rok að þá gerðist það, sama hve ólíklegt veðrið var til að breytast. Þau reyndar byrjuðu að tala um þetta að fyrra bragði hvað þetta væri dularfullt og þetta var soldið spooky. Tvö voru með hósta og var það ekki til að draga úr nornatrúnni þegar ég lét bílstjórann stoppa og rassakastaðist út í móa og fór að reyta plöntur í te handa hóstafólkinu (skv.fyrirmælum Nonna bró) , sem reyndar svínvirkuðu. Algjör snilld!!! Eftir ferðina kláraði ég sumarið í hvalnum og var líka að vinna sem snjósleðaguide á Langjökli sem var algjör snilld. Þvílík skemmtilegt. Skrattaðist 10km í Reykjavíkurmarathoni og lifði af, alltaf gott að vera lifandi.
Er núna flutt á Hvanneyri, er með gamla númerið mitt ef einhvern langar að spjalla. Nú og svo er þetta nú bara klst. akstur frá Reykjavík og alveg hægt að skreppa í kaffi... Segi meira frá Hvanneyri seinna.

By the way... Hummer er búinn að vera óléttur soldið lengi þannig að nú verð ég kannski bráðum amma og ef einhver vill leggja inn pöntun fyrir barnabörnunum mínum að þá er það hægt. Mjög harðger gæludýr þessir slóvensku ferskvatnshumrar. Hann er núna að háma í sig kínakál og naga bréfaklemmurnar sem ég festi á það til að hann næði í það. Hvítkál flýtur nefnilega...

Myndir sem ég tók í ferð á Hvítárvatni

2004-07-25T17:44:00.000Z

Fréttatilkynning frá Hummer...

...Hummer hefur nú ákveðið að opinbera nýjustu fréttir um sín vandamál. Hann er búinn að vera í verkfalli síðustu vikur sökum þess að hann hefur ekki fengið næga athygli frá fjölskyldunni, því hefur hann ekki viljað fá athygli fjölmiðla. Nú hafa sem sagt verið gerðir nýjir samningar um að hann fái meiri athygli, meiri fiskamat og amk eina rækju í viku. Kjarval lætur sér fátt um finnast og lætur lítið fara fyrir sér enda þögla týpan, hann er reyndar farinn að eldast og grána aðeins.
Hummer er orðin mun athafnasamari en hann var í byrjun og er alveg hættur að fela sig undir steinum. Honum finnst ekkert skemmtilegra en jaðaríþróttir s.s. að grípa í litla járnspennu og láta hífa sig upp og dýfa sér í vatnið til skiptis, hann æfir oft upphýfingar til að fá stærri uppklóarvöðva á sama hlut, einnig finnst honum gaman að verða ringlaður en það verður hann þegar spennunni er snúið hratt í hringi, stundum horfir hann á spennuna þangað til hann verður rangeygður (ekkert smá fyndið) reynir með misgóðum aðferðum að borða hana.
Honum finnst mjög gaman að fara í svifflug þegar tækifæri gefst þ.e.a.s. þegar tréð í búrinu hans liggur þannig að hann geti klifrað uppúr og svifið niður á gólf, frekar harkalega. Þegar hann verður ennþá stærri ætlar hann að verða fallhlífarstökkvari og landkönnuður (hann er reyndar orðinn um 12cm alls). Hann varð mjög svekktur þegar hann var ekki tekinn með á Mont Blanc enda var hann fúll og önugur við sambýliskonurnar þangað til "mamma hans" kom heim aftur. Önnur áhugamál hans eru þau að láta blása á fálmarana, og að borða velútilátinn fiskamat sem flýtur og hann þarf að borða á hvolfi.

Anywho, þá er ég að fara í hringferð og kem ekki heim aftur fyrr en 3.ágúst og það þýðir ekki að reyna að fá mig til að gera eitthvað um Versló. Það verður heldur ekkert ammilispartí þar sem ég verð á Akureyri...:( Hasta la vista!!! :)

2004-07-15T11:53:00.000Z

Hvítu augabrúnirnar fara á flakk...

Sorry hvað ferðasagan kemur seint. Okey ég reyndi að hafa hana stutta og skemmtilega en hún varð eiginlega bara löng og leiðinleg...:o) Frekari sögur af Hummer, Kjarval og ævintýrum þeirra koma síðar... Þeir sem nenna ekki að lesa geta líka skoðað myndir úr ferðinni.

Það var hinn 25.júní að Hvítu augabrúnirnar og Sissi lögðu af stað upp í reisuna á Hvíta klettinn. Eftir daglangt ferðalag var komið til Genf þar sem Ögmundur bróðir pabba og hans ektakvinna, Heidi, sóttu okkur á flugvöllinn. Heima hjá þeim beið tilvonandi brúðurin, Ariane dóttir þeirra, ásamt nýju frænkunni, Leliu, sem er ekkert smá sæt með ítalskt look.
Dagur 2. Eftir endalaust dekur hjá Ögm. og Heidi í Genf keyrði Ögmundur okkur og Úrsúlu hina íslenskumælandi svisspæju til Chamonix í Frakklandi þar sem við áttum eftir að dveljast næstu dagana. Röltum um Cham. fyrsta daginn og skoðuðum geðveikt flott klifursvæði þar sem heilu fjölskyldurnar voru að klifra saman.
Dagur 3. Hittum Gregory guidinn okkar hinn íslenskumælandi frakka daginn eftir og hann benti okkur á hentugar æfingaferðir. Fyrstu æfingaferðina fórum við upp með kláfi upp til Les Grands Monetes (3297m) og hlupum upp á útsýnispallinn (vá erfitt) og löbbuðum upp brekku og svo niður með skriðjökli í um 4 klst þar sem við tókum kláf. Vekja rauðu blóðkornin til þess eiga minni hættu á háfjallaveiki.
Dagur 4. Fórum við upp til Le Tour og löbbuðum upp til skála Alberts fyrsta (2702m), Sissi labbaði áfram á meðan við Úrsúla fékkum okkur súkkulaði og skoðuðum sæta fjallastráka, Albert var reyndar ekki heima. Svo héldum við áfram og mættum Sissa en ákváðum að fara uppí meiri hæð þar til við mættum gömlum, frönskum fjallaköllum þá snerum við við og hlupum niður brekkuna, þeim fannst þetta svo fyndið að þeir hlupu bara á eftir okkur. Úr þessu varð svaka kapphlaup en við unnum enda voru þeir í broddum og línu etc (vitleysingar) en við bara í skóm enda bara snjóbrekka. Það eru bara allir í broddum og með línu þarna þótt að þeir séu að hugsa um að fara út að labba… Svo hittum við múrmeldýr á leiðinni niður en þau eru svakasætar, risastórar “mýs” sem eru reyndar skyldastar fílum en þau eru með risastórar tennur.
Dagur 5. Hittum Gregory á gistiheimilinu um morguninn, hann sagði okkur hvað við ættum ekki að hafa með sem varð úr að bakpokinn varð mun léttari og lögðum af stað í ferðina á Mont Blanc. Kláfurinn á Aguille du Midi var lokaður þannig að við þurftum að fara upp Ítalíumegin frá Courmayeur með kláfum til La Tour Ronde (3792m) og þaðan löbbuðum við í ca.3 klst í allraþægindaskálann Cosmiques (ca.3800m) sem er nálægt Aguille du Midi. Í skálanum var ein frönsk stelpa með há.fj.veiki og ældi eins og múkki og var sótt af þyrlu. Þarna fengum við ótrúlega góðan og velútilátinn mat namm og fórum svo að sofa í þunna loftinu. Einn gaurinn kom inn og byrjaði á því að loka glugganum í herberginu þar sem sváfu um 20 mannsi; what a FÍFL! Hann var snarlega látinn opna hann aftur.
Dagur 6. Vöknuðum um klukkan eitt um nótt, fengum okkur morgunmat. Allir í kringum okkur voru rosalega stressaðir og á fleygiferð um allt. Við vorum hinsvegar sallaróleg að hætti íslendinga sem endaði á því að við vorum með þeim síðustu út en þegar við vorum komin af stað tókum við framúr slatta af fólki á leiðinni uppá topp:o). Það var ekkert smá flott veður báða dagana og þarna um nóttina var frosin jörð og logn svo kom bara smá rok efst aftur en það var ekki mjög kalt samt. Þurftum að fara yfir tvö “fjöll” áður en við komum að sjálfum toppinum. Fyrst lá leiðin yfir Mont Blanc du Tacul (4248m) þar sem voru hrikalega flottir serakar en því miður var myrkur svo minningin um útsýnið úr skálanum var eina útsýnið þar, plús að vísu ljósin frá Cham. og Genf ofl. Svo lá leiðin yfir Mont Maudit (4465m) þar sem bröttustu 50m leiðarinnar voru (50 gráðu halli). Samt ekkert rosalegt. Þar kom sólin upp og myndavélarnar voru testaðar en sýndu mismikla hæfileika í kuldanum, mislyndar myndavélar!!! Þegar við komum niður þar var aðaltoppurinn eftir. Ótrúlega erfitt að labba uppí móti með helmingssúrefni enda voru stoppin mörg fyrir utan það að vera að labba í risastóru hagléli þar sem maður sökk niður í hverju skrefi. Toppurinn (4808m) náðist rúmlega níu um morguninn eftir 7 tíma labb, eyddum þar alveg fullt af tíma þar sem útsýnið var geðveikt. Fengum smá hausverk efst. Ég er reyndar ekki viss um hvort það var háfjallaveiki eða kaffifráhvarfseinkenni… Niðurleiðin var svo Gouter leið sem er töluvert lengri og en leiðin upp en auðveldari á niðurleið. Vá hvað ég hefði ekki nennt að labba upp hana, skil ekki af hverju hún er algengasta leiðin upp. Fyrst eftir mjóum hrygg þar sem við reyndar mættum engum sem var ágætt… svo upp og niður brekkur þar til við komum að Gouter skála. Fyrir neðan Gouterskálann var svo hin fræga grjótfallsbrekka dauðans enda var allt laust þarna í töluverðum bratta (eins og íslenskt móbergsdrasl)og maður varð að passa að henda ekki niður grjóti á fólk fyrir neðan og vona að enginn henti grjóti á okkur, vírar voru á nokkrum stöðum til að halda í en við þurftum að brölta mest alla leiðina í broddum takandi framúr fullt af fólki. Þetta var gaman en við urðum að flýta okkur geðveikt niður til þess að missa ekki af lestinni, því gafst ekki tími til myndatöku sem var synd. Eftir 1 og hálfan tíma af klöngri komum við í grjótkastgilið þar sem fólk hleypur yfir til þess að eiga sem minnst á hættu að fá í sig grjót en þarna hrynur stanslaust úr berginu…magnað! Meirihlutinn af restinni var svo farinn á rassinum niður brattar snjóbrekkur... ÍHA!!! Náðum lestinni og fórum brosandi út að eyrum til Cham. aftur eftir velheppnaða ferð. Kalt fótabað í stórum bala á gistiheimilinu okkar var GOOTTT!!!
Úrsúla fór heim daginn eftir og það rigndi svo úr varð ekkert klifur. Við Sissi fórum og horfðum á fótbolta og drukkum öl. 2.júlí var smá þynnka og svo fórum við til Genf þar sem ofurgestgjafarnir tóku á móti okkur aftur og ísl.ættingjar höfðu bæst í hópinn. Sissi fór svo daginn eftir og við maogpa og Sveinbjörn pabró og Lilja fórum í brúðkaup hjá Ariane og Gianfranco. Rosalega flott brúðkaup með háværum ítölum í miklum meirihluta. Djammað fram á nótt… Svaka stuð. Svo var haldið áfram daginn eftir með brunch hjá Ariane og Gianfranco og svo fóru Hvítu augabrúnirnar heim daginn eftir og hittu fullt af sniðugu fólki á flugvellinum.

2004-07-01T17:47:00.000Z

IHAAA!!! Toppudum Mont Blanc (4808 m.) klukkan 9:30 tann 30.juni i frabaeru vedri :o) Ferdasagan kemur sidar...

2004-06-25T15:07:00.000Z

Er nuna stodd asamt Sissa a Luton flugvelli i Englandi. Turfum ad bida herna i 4 tima, munadi 5 min ad vid kaemumst i fyrri flugvel, en ad minnsta kosti hef eg ekki ennta turft ad lata gera nyjan passa 7,9,13... Stodst ekki matid ad stelast i tolvu, tad er gaman i utlondum, fullt af skritnu folki. Kvedja, Hal

2004-06-23T01:09:00.000Z

...glatað blogg...

Hér er ekkert búið að gerast lengi, lengi... Úr þessu þarf að bæta... Ég er búin að vera að vinna eins og formiga(maur) undanfarið og þess á milli að reyna að æfa fyrir klettinn hvíta og elda hollan mat til að vera nógu nærð. Er búin að vera að éta exótískan mat undanfarið, eins og lifur sem ég hef alltaf haft andstygð á (hélt fyrir nefið) en hún á að vera óhemjuholl (mamma hlýtur að vera stolt:)) og svo fékk ég mér túnfífilsblöð í gær en skv. Jóni bróður eiga þau að vera rosalega holl.

Fór upp á Hvannadalshnjúk einn fagran föstudag með Sissa en hann bættist í Hvítaklettshópinn. Það var klikkað gott veður sem var eiginlega of heitt, enda var hver svalur vindgustur teygaður eins og eina vatnið í eyðimörkinni. Vorum 12 og hálfan tíma upp og niður sem er 3 1/2 tíma skemmra en síðast. Fórum líka Virkisjökulsleið núna en brekka dauðans var heldur óárennilegri en síðast þar sem það rann beljandi lækur undir klaka og við fórum upp skriðukletta til hliðar. Þar var allt laust sem stigið var á og endaði ég með að fá hnullung í hnéð (heimskulegt). Svo hittum við nokkrar flottar sprungur á leiðinni og gengum yfir nokkuð aktívt skriðusvæði þar sem sífellt komu smáspýjur fljúgandi niður. Komu eins og öfugir flugeldar, nokkuð flott. Myndir úr ferðinni... Var svo í Skaftafelli yfir helgina, það var náttúrulega bara til að vera nálægt Gerði sem tekur sig vel út þarna í villtu náttúrunni:o)

Svo fórum við Gerður og Teddi Laugarveginn á mid og fim. Gengum fyrsta daginn frá Landmannalaugum og yfir í Botna og svo seinni daginn restina. Þetta er ekkert smá falleg leið með endalausri fjölbreytni í landslagi, litum, lykt, plöntum, steinum og orku. Mæli eindregið með þessarri leið, hún er geggjuð. Mér tókst nottlega að snúa mig þegar við vorum ekki hálfnuð en samt var það aðallega hnéð frá því á Hnúknum sem var að há mér. Teddi var líka með einhver hnjámeiðsli en Gerður gella sem nota bene hefur ekki mikið verið að labba skaraði framúr fyrir dugnað og gjörvuleik. Gó Gedda!!!!

Nú tekur bara við síðustu skrefin áður en haldið verður til Sviss á vit ævintýranna... Nenni ekki einu sinni að fara að kjósa.. En hefði verið til í að kjósa Ástþór svo það sé á hreinu.. hann er einn af þessum sem gæti verið til í að gera áhrifameiri byltingu en að neita að skrifa undir fjölmiðlafrumvarpið. En hvað er þetta með ísl.forsetaframbjóðendur og útl.kellur???????

2004-06-09T23:30:00.000Z

...nú verða sagðar fréttir...

...samt ekki margar... Er búin að vera hrikalega upptekin undanfarið við vinnu og þrif þar sem konurnar mínar eru búnar að yfirgefa hreiðrið og nýjar á leið inn.
Var í síðustu viku með eldri Norður-Norðmenn í fjóra daga. Þvældumst um helstu staði í kring um Reykjavík, þar á meðal í Borgarfjörðinn. Var þar smá stressuð því norðmenn vita allt um Snorre Sturlason enda spilar hann "en viktig rolle i norsk historie". Við fengum að skreppa inn í gróðurhús hjá Bjarna frænda á Brautó sem vakti mikla lukku. Þau keyptu upp lúpínufræin í Eden þrátt fyrir að ég væri búin að segja þeim oft að þetta væri illgresi. Einn var alltaf að reyna að kenna mér samísku en það eina sem ég man er það að sjötíu sagt hratt á íslensku þýðir brjóst á samísku. Svo var einn sem var alltaf að segja mér sögur á einhverri ógurlegri mállýsku sem ég skildi bara eitt og eitt orð í, þá varð ég bara að reyna að fylgja svipnum á honum eftir til þess að vera viss um hvort ég ætti að hlægja eða gráta hverju sinni.

Sjómannahelgin kom með sína viðburði. Hvalaskoðunin á sjómannadaginn var ekkert smá flott. Um morguninn var lítill hrefnukálfur sem synti til okkar með trýnið uppúr og lék sér kringum bátinn. Svo var ég búin að segja fólki í seinni túrnum að það myndi örugglega ekki vera neitt spes eftir hádegi þar sem túrinn fyrir hádegi hefði verið svo góður. En viti menn það byrjaði hnúfubakur að slá bægslunum (sem eru geysilöng) í hafflötinn og gerði rosasplöss til að láta vita af sér. Þannig hélt hann áfram næstu 10 mín. Svo kom hann nokkrum sinnum með sporðinn upp, stökk tvisvar hátt upp í loftið og sneri sér í hring og að lokum fékk hann sér að borða með því að þenja út munnbelginn. Ekkert smá flott sjómannasunnudagssjóv. Í dag þurfti svo náttúrulega að vera lítið að gerast nema nokkrir hnísuræflar sem er skrítið af því að það er búið að vera mikið að sjást:/ Reyndar brjálæðislega mikið af lundum, enda er lundinn algengasti fugl í Reykjavík...